नारायणीयम् · दशक 53

Narayaneeyam: Dashakam 53

स्तोत्र · संस्कृत · कृष्ण · मेल्पत्तूर् नारायण भट्टतिरि

अतीत्य बाल्यं जगतां पते त्वमुपेत्य पौगण्डवयो मनोज्ञम्।
उपेक्ष्य वत्सावनमुत्सवेन प्रावर्तथा गोगणपालनायाम्॥
Atitya balyam jagatam pate tvamupetya paugandavayo manojnam, upekshya vatsavanamutsavena pravartatha goganapalanayam.
हे जगत्पति, शैशव पार करके और मनोहर किशोर अवस्था में आकर तुमने बछड़े चराना छोड़ा और उत्साह से गायें चराना शुरू किया।
उपक्रमस्यानुगुणैव सेयं मरुत्पुराधीश तव प्रवृत्तिः।
गोत्रापरित्राणकृतेऽवतीर्णस्तदेव देवाऽऽरभथास्तदा यत्॥
Upakramasyanugunaiva seyam marutpuradhisha tava pravrittih, gotraparitranakritevatirnastadeva devarabhathastada yat.
हे गुरुवायूर के स्वामी, तुम्हारा यह काम तुम्हारे उद्देश्य के अनुरूप ही है: तुम पृथ्वी और गायों की रक्षा के लिए अवतरे थे, और हे देव, तब तुमने वही काम आरंभ किया।
कदापि रामेण समं वनान्ते वनश्रियं वीक्ष्य चरन् सुखेन।
श्रीदामनाम्नः स्वसखस्य वाचा मोदादगा धेनुककाननं त्वम्॥
Kadapi ramena samam vanante vanashriyam vikshya charan sukhena, shridamanamnah svasakhasya vacha modadaga dhenukakananam tvam.
एक बार बलराम के साथ वन के किनारे वन की शोभा देखते हुए सुख से घूमते हुए, अपने सखा श्रीदामा के कहने पर तुम खुशी से धेनुक वन गए।
उत्तालतालीनिवहे त्वदुक्त्या बलेन धूतेऽथ बलेन दोर्भ्याम्।
मृदुः खरश्चाभ्यपतत्पुरस्तात् फलोत्करो धेनुकदानवोऽपि॥
Uttalatalinivahe tvaduktya balena dhutetha balena dorbhyam, mriduh kharashchabhyapatatpurastat phalotkaro dhenukadanavopi.
ऊँचे ताड़ के पेड़ों के उस झुरमुट को तुम्हारे कहने पर बलराम ने दोनों भुजाओं से जोर से हिलाया; तब सामने नरम और कड़े फलों का ढेर गिरा, और धेनुक दानव भी झपट पड़ा।
समुद्यतो धैनुकपालनेऽहं कथं वधं धैनुकमद्य कुर्वे।
इतीव मत्वा ध्रुवमग्रजेन सुरौघयोद्धारमजीघतस्त्वम्॥
Samudyato dhainukapalaneham katham vadham dhainukamadya kurve, itiva matva dhruvamagrajena suraughayoddharamajighatastvam.
मानो तुमने सोचा, “मैं तो धेनुओं (गायों) की रक्षा में लगा हूँ, आज धेनुक को कैसे मारूँ?” इसीलिए निश्चय ही तुमने देवताओं से लड़ने वाले उस योद्धा को बड़े भाई से मरवाया।
तदीयभृत्यानपि जम्बुकत्वेनोपागतानग्रजसम्युतस्त्वम्।
जम्बूफलानीव तदा निरास्थस्तालेषु खेलन् भगवन् निरास्थः॥
Tadiyabhrityanapi jambukatvenopagatanagrajasamyutastvam, jambuphalaniva tada nirasthastaleshu khelan bhagavan nirasthah.
हे भगवन, उसके साथी भी जो सियार बनकर आए थे, उन्हें तुमने बड़े भाई के साथ खेलते-खेलते जामुन के फलों की तरह ताड़ के पेड़ों पर फेंक दिया।
विनिघ्नति त्वय्यथ जम्बुकौघं सनामकत्वाद्वरुणस्तदानीम्।
भयाकुलो जम्बुकनामधेयं श्रुतिप्रसिद्धं व्यधितेति मन्ये॥
Vinighnati tvayyatha jambukaugham sanamakatvadvarunastadanim, bhayakulo jambukanamadheyam shrutiprasiddham vyadhiteti manye.
जब तुम सियारों (जंबुकों) के झुंड को मार रहे थे, तब मुझे लगता है कि वेदों में ‘जंबुक’ नाम से प्रसिद्ध वरुण, उसी नाम के कारण, डर से व्याकुल हो गए।
तवावतारस्य फलं मुरारे सञ्जातमद्येति सुरैर्नुतस्त्वम्।
सत्यं फलं जातमिहेति हासी बालैः समं तालफलान्यभुङ्क्थाः॥
Tavavatarasya phalam murare sanjatamadyeti surairnutastvam, satyam phalam jatamiheti hasi balaih samam talaphalanyabhunkthah.
“हे मुरारि, आज तुम्हारे अवतार का फल मिल गया!” देवताओं ने स्तुति की। “सच, यहाँ फल मिल ही गया!” कहकर तुम हँसे और बालकों के साथ ताड़ के फल खाने लगे।
मधुद्रवस्रुन्ति बृहन्ति तानि फलानि मेदोभरभृन्ति भुक्त्वा।
तृप्तैश्च दृप्तैर्भवनं फलौघं वहद्भिरागाः खलु बालकैस्त्वम्॥
Madhudravasrunti brihanti tani phalani medobharabhrinti bhuktva, triptaishcha driptairbhavanam phalaugham vahadbhiragah khalu balakaistvam.
मधु जैसा रस टपकाते, गूदे से भरे उन बड़े फलों को खाकर तुम तृप्त और गर्वित बालकों के साथ फलों के ढेर ढोते हुए घर लौटे।
हतो हतो धेनुक इत्युपेत्य फलान्यदद्भिर्मधुराणि लोकैः।
जयेति जीवेति नुतो विभो त्वं मरुत्पुराधीश्वर पाहि रोगात्॥
Hato hato dhenuka ityupetya phalanyadadbhirmadhurani lokaih, jayeti jiveti nuto vibho tvam marutpuradhishvara pahi rogat.
“धेनुक मारा गया, मारा गया!” कहकर लोग आए, मीठे फल खाए और हे विभु, “जय हो, जीते रहो” कहकर तुम्हारी स्तुति की। हे गुरुवायूर के स्वामी, रोग से मेरी रक्षा करो।