नारायणीयम् · दशक 54

Narayaneeyam: Dashakam 54

स्तोत्र · संस्कृत · कृष्ण · मेल्पत्तूर् नारायण भट्टतिरि

त्वत्सेवोत्कः सौभरिर्नाम पूर्वं कालिन्द्यन्तर्द्वादशाब्दं तपस्यन्।
मीनव्राते स्नेहवान् भोगलोले तार्क्ष्यं साक्षादैक्षताग्रे कदाचित्॥
Tvatsevotkah saubharirnama purvam kalindyantardvadashabdam tapasyan, minavrate snehavan bhogalole tarkshyam sakshadaikshatagre kadachit.
बहुत पहले आपकी सेवा के लिए उत्सुक सौभरि नाम के मुनि बारह वर्ष तक यमुना के भीतर तप कर रहे थे। सुख में मग्न मछलियों से उन्हें स्नेह था, और एक बार उन्होंने अपने सामने साक्षात गरुड़ को देखा।
त्वद्वाहं तं सक्षुधं तृक्षसूनुं मीनं कञ्चिज्जक्षतं लक्षयन् सः।
तप्तश्चित्ते शप्तवानत्र चेत्त्वं जन्तून् भोक्ता जीवितं चापि मोक्ता॥
Tvadvaham tam sakshudham trikshasunum minam kanchijjakshatam lakshayan sah, taptashchitte shaptavanatra chettvam jantun bhokta jivitam chapi mokta.
आपके वाहन, भूखे गरुड़ को एक मछली खाते देखकर उनका मन दुखी हुआ और उन्होंने शाप दिया, “यदि तुम यहाँ जीवों को खाओगे, तो अपने प्राण भी गँवाओगे।”
तस्मिन् काले कालियः क्ष्वेलदर्पात् सर्पारातेः कल्पितं भागमश्नन्।
तेन क्रोधात् त्वत्पदाम्भोजभाजा पक्षक्षिप्तस्तद्दुरापं पयोऽगात्॥
Tasmin kale kaliyah kshveladarpat sarparateh kalpitam bhagamashnan, tena krodhat tvatpadambhojabhaja pakshakshiptastaddurapam payogat.
उस समय अपने विष पर घमंड करने वाला कालिय नाग सर्पों के शत्रु गरुड़ के लिए रखा भाग खा रहा था। आपके चरण-कमलों के सेवक गरुड़ ने क्रोध से उसे पंख से मारा, और वह उस जल में चला गया जहाँ गरुड़ नहीं जा सकते थे।
घोरे तस्मिन् सूरजानीरवासे तीरे वृक्षा विक्षताः क्ष्वेलवेगात्।
पक्षिव्राताः पेतुरभ्रे पतन्तः कारुण्यार्द्रं त्वन्मनस्तेन जातम्॥
Ghore tasmin surajaniravase tire vriksha vikshatah kshvelavegat, pakshivratah peturabhre patantah karunyardram tvanmanastena jatam.
यमुना के उस भयानक कुंड में रहने वाले नाग के विष के वेग से किनारे के पेड़ झुलस गए और आकाश में उड़ते पक्षियों के झुंड गिर पड़े। इससे आपका मन करुणा से भीग गया।
काले तस्मिन्नेकदा सीरपाणिं मुक्त्वा याते यामुनं काननान्तम्।
त्वय्युद्दामग्रीष्मभीष्मोष्मतप्ता गोगोपाला व्यापिबन् क्ष्वेलतोयम्॥
Kale tasminnekada sirapanim muktva yate yamunam kananantam, tvayyuddamagrishmabhishmoshmatapta gogopala vyapiban kshvelatoyam.
फिर एक दिन जब आप बलराम को छोड़कर यमुना किनारे के वन में गए, तब भीषण गर्मी से तपे गायों और ग्वालों ने वह विषैला जल पी लिया।
नश्यज्जीवान् विच्युतान् क्ष्मातले तान् विश्वान् पश्यन्नच्युत त्वं दयार्द्रः।
प्राप्योपान्तं जीवयामासिथ द्राक् पीयूषाम्भोवर्षिभिः श्रीकटाक्षैः॥
Nashyajjivan vichyutan kshmatale tan vishvan pashyannachyuta tvam dayardrah, prapyopantam jivayamasitha drak piyushambhovarshibhih shrikatakshaih.
हे अच्युत, उन सबको प्राणहीन होकर धरती पर गिरा देखकर आप दया से भर गए। पास आकर आपने अमृत बरसाने वाली अपनी कृपा-दृष्टि से उन्हें तुरंत जीवित कर दिया।
किं किं जातो हर्षवर्षातिरेकः सर्वाङ्गेष्वित्युत्थिता गोपसङ्घाः।
दृष्ट्वाऽग्रे त्वां त्वत्कृतं तद्विदन्तस्त्वामालिङ्गन् दृष्टनानाप्रभावाः॥
Kim kim jato harshavarshatirekah sarvangeshvityutthita gopasanghah, drishtvagre tvam tvatkritam tadvidantastvamalingan drishtananaprabhavah.
“हमारे सारे अंगों में यह आनंद की बाढ़ कैसी?” सोचते हुए ग्वाले उठ खड़े हुए। सामने आपको देखकर और यह जानकर कि यह आपका ही काम है, आपकी अनेक लीलाएँ देख चुके उन्होंने आपको गले लगा लिया।
गावश्चैवं लब्धजीवाः क्षणेन स्फीतानन्दास्त्वां च दृष्ट्वा पुरस्तात्।
द्रागावव्रुः सर्वतो हर्षबाष्पं व्यामुञ्चन्त्यो मन्दमुद्यन्निनादाः॥
Gavashchaivam labdhajivah kshanena sphitanandastvam cha drishtva purastat, dragavavruh sarvato harshabashpam vyamunchantyo mandamudyanninadah.
गायें भी क्षण भर में जीवित होकर और सामने आपको देखकर बहुत प्रसन्न हुईं, और आनंद के आँसू बहाती, धीरे-धीरे रँभाती हुई तुरंत आपको चारों ओर से घेर लिया।
रोमाञ्चोऽयं सर्वतो नः शरीरे भूयस्यन्तः काचिदानन्दमूर्छा।
आश्चर्योऽयं क्ष्वेलवेगो मुकुन्देत्युक्तो गोपैर्नन्दितो वन्दितोऽभूः॥
Romanchoyam sarvato nah sharire bhuyasyantah kachidanandamurchha, ashcharyoyam kshvelavego mukundetyukto gopairnandito vanditobhuh.
“हमारे पूरे शरीर में रोमांच है और भीतर एक तरह की आनंद-मूर्छा है। हे मुकुंद, यह विष का वेग भी अद्भुत है!” ऐसा कहते हुए ग्वालों ने आपका अभिनंदन और वंदन किया।
एवं भक्तान् मुक्तजीवानपि त्वं मुग्धापाङ्गैरस्तरोगांस्तनोषि।
तादृग्भूतस्फीतकारुण्यभूमा रोगात् पाया वायुगेहाधिनाथ॥
Evam bhaktan muktajivanapi tvam mugdhapangairastarogamstanoshi, tadrigbhutasphitakarunyabhuma rogat paya vayugehadhinatha.
इस तरह आप अपनी मनोहर चितवन से प्राण खो चुके भक्तों को भी रोगमुक्त कर देते हैं। ऐसी उमड़ती करुणा के धनी, हे गुरुवायुर के स्वामी, रोग से मेरी रक्षा कीजिए।