नारायणीयम् · दशक 63

Narayaneeyam: Dashakam 63

स्तोत्र · संस्कृत · कृष्ण · मेल्पत्तूर् नारायण भट्टतिरि

ददृशिरे किल तत्क्षणमक्षतस्तनितजृम्भितकम्पितदिक्तटाः।
सुषमया भवदङ्गतुलां गता व्रजपदोपरि वारिधरास्त्वया॥
Dadrishire kila tatkshanamakshatastanitajrimbhitakampitadiktatah, sushamaya bhavadangatulam gata vrajapadopari varidharastvaya.
उसी क्षण आपने व्रज के ऊपर बादल देखे, जिनकी लगातार गड़गड़ाहट से दिशाओं के किनारे काँप रहे थे और जो सुंदरता में आपके शरीर की बराबरी कर रहे थे।
विपुलकरकमिश्रैस्तोयधारानिपातैर्दिशि दिशि पशुपानां मण्डले दण्ड्यमाने।
कुपितहरिकृतान्नः पाहि पाहीति तेषां वचनमजित शृण्वन् मा बिभीतेत्यभाणीः॥
Vipulakarakamishraistoyadharanipatairdishi dishi pashupanam mandale dandyamane, kupitaharikritannah pahi pahiti tesham vachanamajita shrinvan ma bibhitetyabhanih.
जब भारी ओलों के साथ गिरती मूसलाधार वर्षा से हर दिशा में ग्वालों का समूह पीड़ित हो रहा था, तब हे अजित, क्रोधित इंद्र के किए से हमें बचाओ, बचाओ की उनकी पुकार सुनकर आपने कहा: डरो मत।
कुल इह खलु गोत्रो दैवतं गोत्रशत्रोर्विहतिमिह स रुन्ध्यात् को नु वः संशयोऽस्मिन्।
इति सहसितवादी देव गोवर्धनाद्रिं त्वरितमुदमुमूलो मूलतो बालदोर्भ्याम्॥
Kula iha khalu gotro daivatam gotrashatrorvihatimiha sa rundhyat ko nu vah samshayosmin, iti sahasitavadi deva govardhanadrim tvaritamudamumulo mulato baladorbhyam.
यह पर्वत ही हमारे कुल का देवता है; वह निश्चय ही पर्वतों के शत्रु इंद्र के प्रहार को रोकेगा, इसमें तुम्हें क्या संदेह है? हे देव, मुस्कुराते हुए यह कहकर आपने अपनी बाल भुजाओं से गोवर्धन पर्वत को जड़ से जल्दी उखाड़ लिया।
तदनु गिरिवरस्य प्रोद्धृतस्यास्य तावत् सिकतिलमृदुदेशे दूरतो वारितापे।
परिकरपरिमिश्रान् धेनुगोपानधस्तादुपनिदधदधत्था हस्तपद्मेन शैलम्॥
Tadanu girivarasya proddhritasyasya tavat sikatilamridudeshe durato varitape, parikaraparimishran dhenugopanadhastadupanidadhadadhattha hastapadmena shailam.
फिर उठाए हुए उस श्रेष्ठ पर्वत के नीचे, कष्ट से दूर रेतीली कोमल जगह पर, आपने गायों और ग्वालों को उनके सामान सहित रखा और अपने कर कमल से पर्वत को थामे रखा।
भवति विधृतशैले बालिकाभिर्वयस्यैरपि विहितविलासं केलिलापादिलोले।
सविधमिलितधेनूरेकहस्तेन कण्डूयति सति पशुपालास्तोषमैषन्त सर्वे॥
Bhavati vidhritashaile balikabhirvayasyairapi vihitavilasam kelilapadilole, savidhamilitadhenurekahastena kanduyati sati pashupalastoshamaishanta sarve.
पर्वत थामे हुए जब आप बालिकाओं और मित्रों के साथ खेलते, हँसी-मज़ाक में लगे रहते और एक हाथ से पास आई गायों को सहलाते, तो सब ग्वाले आनंद से भर गए।
अतिमहान् गिरिरेष तु वामके करसरोरुहि तं धरते चिरम्।
किमिदमद्भुतमद्रिबलं न्विति त्वदवलोकिभिराकथि गोपकैः॥
Atimahan giriresha tu vamake karasaroruhi tam dharate chiram, kimidamadbhutamadribalam nviti tvadavalokibhirakathi gopakaih.
यह पर्वत तो बहुत बड़ा है, फिर भी वह इसे इतनी देर से बाएँ कर कमल पर उठाए है। यह क्या अद्भुत है? कहीं यह पर्वत की ही शक्ति तो नहीं? आपको देखते ग्वाले ऐसा कहने लगे।
अहह धार्ष्ट्यममुष्य वटोर्गिरिं व्यथितबाहुरसाववरोपयेत्।
इति हरिस्त्वयि बद्धविगर्हणो दिवससप्तकमुग्रमवर्षयत्॥
Ahaha dharshtyamamushya vatorgirim vyathitabahurasavavaropayet, iti haristvayi baddhavigarhano divasasaptakamugramavarshayat.
अहा, इस लड़के की ढिठाई! हाथ दुखेगा तो यह पर्वत नीचे रख देगा। ऐसा सोचकर और आपकी निंदा करते हुए इंद्र ने सात दिन तक भयंकर वर्षा की।
अचलति त्वयि देव पदात्पदं गलितसर्वजले च घनोत्करे।
अपहृते मरुता मरुतां पतिस्त्वदभिशङ्कितधीः समुपाद्रवत्॥
Achalati tvayi deva padatpadam galitasarvajale cha ghanotkare, apahrite maruta marutam patistvadabhishankitadhih samupadravat.
हे देव, जब आप एक पग भी नहीं हिले, और सारा जल गिराकर खाली हुए बादलों के समूह हवा से उड़ गए, तब आपसे डरे मन वाले मरुतों के स्वामी इंद्र दौड़कर आए।
शममुपेयुषि वर्षभरे तदा पशुपधेनुकुले च विनिर्गते।
भुवि विभो समुपाहितभूधरः प्रमुदितैः पशुपैः परिरेभिषे॥
Shamamupeyushi varshabhare tada pashupadhenukule cha vinirgate, bhuvi vibho samupahitabhudharah pramuditaih pashupaih parirebhishe.
जब भारी वर्षा थम गई और ग्वाले तथा गायें बाहर निकल आए, तब हे विभु, आपने पर्वत को धरती पर रख दिया, और आनंदित ग्वालों ने आपको गले लगा लिया।
धरणिमेव पुरा धृतवानसि क्षितिधरोद्धरणे तव कः श्रमः।
इति नुतस्त्रिदशैः कमलापते गुरुपुरालय पालय मां गदात्॥
Dharanimeva pura dhritavanasi kshitidharoddharane tava kah shramah, iti nutastridashaih kamalapate gurupuralaya palaya mam gadat.
आपने तो पहले पूरी पृथ्वी को धारण किया था, पर्वत उठाने में आपको क्या थकान? ऐसी स्तुति देवताओं से पाने वाले हे कमलापति, गुरुवायुर में बसने वाले, मुझे रोग से बचाइए।