नारायणीयम् · दशक 7

Narayaneeyam: Dashakam 7

स्तोत्र · संस्कृत · कृष्ण · मेल्पत्तूर् नारायण भट्टतिरि

एवं देव चतुर्दशात्मकजगद्रूपेण जातः पुनस्तस्योर्ध्वं खलु सत्यलोकनिलये जातोऽसि धाता स्वयम्।
यं शंसन्ति हिरण्यगर्भमखिलत्रैलोक्यजीवात्मकं योऽभूत् स्फीतरजोविकारविकसन्नानासिसृक्षारसः॥
Evam deva chaturdashatmakajagadrupena jatah punastasyordhvam khalu satyalokanilaye jatosi dhata svayam, yam shamsanti hiranyagarbhamakhilatrailokyajivatmakam yobhut sphitarajovikaravikasannanasisriksharasah.
हे देव, इस प्रकार चौदह लोकों वाले जगत के रूप में प्रकट होकर आप फिर उसके ऊपर सत्यलोक में स्वयं ब्रह्मा बनकर जन्मे, जिन्हें हिरण्यगर्भ कहते हैं, जो तीनों लोकों के सब जीवों की आत्मा हैं और बढ़े हुए रजोगुण से तरह-तरह की सृष्टि की इच्छा से भरे थे।
सोऽयं विश्वविसर्गदत्तहृदयस्सम्पश्यमानस्स्वयं बोधं खल्वनवाप्य विश्वविषयं चिन्ताकुलस्तस्थिवान्।
तावत्त्वं जगताम्पते तपतपेत्येवं हि वैहायसीं वाणीमेनमशिश्रवः श्रुतिसुखां कुर्वंस्तपःप्रेरणाम्॥
Soyam vishvavisargadattahridayassampashyamanassvayam bodham khalvanavapya vishvavishayam chintakulastasthivan, tavattvam jagatampate tapatapetyevam hi vaihayasim vanimenamashishravah shrutisukham kurvamstapahpreranam.
सृष्टि रचने में मन लगाए उन्होंने चारों ओर देखा, पर विश्व के बारे में कोई ज्ञान न पाकर चिंता में पड़ गए। तब हे जगत्पति, आपने उन्हें आकाश से ‘तप, तप’ की कानों को सुख देने वाली वाणी सुनाई, जो तप की प्रेरणा थी।
कोऽसौ मामवदत्पुमानिति जलापूर्णे जगन्मण्डले दिक्षूद्वीक्ष्य किमप्यनीक्षितवता वाक्यार्थमुत्पश्यता।
दिव्यं वर्षसहस्रमात्ततपसा तेन त्वमाराधितस्तस्मै दर्शितवानसि स्वनिलयं वैकुण्ठमेकाद्भुतम्॥
Kosau mamavadatpumaniti jalapurne jaganmandale dikshudvikshya kimapyanikshitavata vakyarthamutpashyata, divyam varshasahasramattatapasa tena tvamaradhitastasmai darshitavanasi svanilayam vaikunthamekadbhutam.
‘मुझसे किसने कहा?’ जल से भरे जगत में सब दिशाओं में देखकर भी किसी को न पाकर, वाक्य का अर्थ समझकर उन्होंने हज़ार दिव्य वर्षों तक तप करके आपकी आराधना की, और आपने उन्हें अपना अद्वितीय, अद्भुत धाम वैकुण्ठ दिखाया।
माया यत्र कदापि नो विकुरुते भाते जगद्भ्यो बहिश्शोकक्रोधविमोहसाध्वसमुखा भावास्तु दूरं गताः।
सान्द्रानन्दझरी च यत्र परमज्योतिःप्रकाशात्मके तत्ते धाम विभावितं विजयते वैकुण्ठरूपं विभो॥
Maya yatra kadapi no vikurute bhate jagadbhyo bahishshokakrodhavimohasadhvasamukha bhavastu duram gatah, sandranandajhari cha yatra paramajyotihprakashatmake tatte dhama vibhavitam vijayate vaikuntharupam vibho.
जहाँ माया कभी विकार नहीं लाती, जो सब लोकों से परे चमकता है, जहाँ शोक, क्रोध, मोह, भय आदि भाव बहुत दूर हैं, जहाँ घने आनंद की धाराएँ बहती हैं और जो परम ज्योति के प्रकाश से बना है, हे विभु, आपके उस वैकुण्ठ धाम की जय हो।
यस्मिन्नाम चतुर्भुजा हरिमणिश्यामावदातत्विषो नानाभूषणरत्नदीपितदिशो राजद्विमानालयाः।
भक्तिप्राप्ततथाविधोन्नतपदा दीव्यन्ति दिव्या जनास्तत्ते धाम निरस्तसर्वशमलं वैकुण्ठरूपं जयेत्॥
Yasminnama chaturbhuja harimanishyamavadatatvisho nanabhushanaratnadipitadisho rajadvimanalayah, bhaktipraptatathavidhonnatapada divyanti divya janastatte dhama nirastasarvashamalam vaikuntharupam jayet.
जहाँ चार भुजाओं वाले, नीलमणि जैसी श्याम कांति वाले, तरह-तरह के आभूषणों और रत्नों से दिशाओं को चमकाते, सुंदर विमानों में रहने वाले, भक्ति से ऐसा ऊँचा पद पाए दिव्य जन आनंद करते हैं, सब मलिनता से रहित आपके उस वैकुण्ठ धाम की जय हो।
नानादिव्यवधूजनैरभिवृता विद्युल्लतातुल्यया विश्वोन्मादनहृद्यगात्रलतया विद्योतिताशान्तरा।
त्वत्पादाम्बुजसौरभैककुतुकाल्लक्ष्मीः स्वयं लक्ष्यते यस्मिन् विस्मयनीयदिव्यविभवं तत्ते पदं देहि मे॥
Nanadivyavadhujanairabhivrita vidyullatatulyaya vishvonmadanahridyagatralataya vidyotitashantara, tvatpadambujasaurabhaikakutukallakshmih svayam lakshyate yasmin vismayaniyadivyavibhavam tatte padam dehi me.
जहाँ अनेक दिव्य स्त्रियों से घिरी, बिजली की लता जैसे संसार को मोहने वाले सुंदर शरीर से दिशाओं को चमकाती, केवल आपके चरण-कमलों की सुगंध की चाह में स्वयं लक्ष्मी दिखाई देती हैं, अद्भुत दिव्य वैभव वाला आपका वह धाम मुझे दीजिए।
तत्रैवं प्रतिदर्शिते निजपदे रत्नासनाध्यासितं भास्वत्कोटिलसत्किरीटकटकाद्याकल्पदीप्राकृति।
श्रीवत्साङ्कितमात्तकौस्तुभमणिच्छायारुणं कारणं विश्वेषां तव रूपमैक्षत विधिस्तत्ते विभो भातु मे॥
Tatraivam pratidarshite nijapade ratnasanadhyasitam bhasvatkotilasatkiritakatakadyakalpadiprakriti, shrivatsankitamattakaustubhamanichchhayarunam karanam vishvesham tava rupamaikshata vidhistatte vibho bhatu me.
वहाँ आपके दिखाए उस धाम में ब्रह्मा ने रत्नों के आसन पर बैठा आपका रूप देखा, जो करोड़ों सूर्यों जैसे चमकते मुकुट, कंगन आदि आभूषणों से दमक रहा था, श्रीवत्स से चिह्नित था, कौस्तुभ मणि की आभा से लालिमा लिए था और सब लोकों का कारण था। हे विभु, वह रूप मेरे मन में चमके।
कालाम्भोदकलायकोमलरुचीचक्रेण चक्रं दिशामावृण्वानमुदारमन्दहसितस्यन्दप्रसन्नाननम्।
राजत्कम्बुगदारिपङ्कजधरश्रीमद्भुजामण्डलं स्रष्टुस्तुष्टिकरं वपुस्तव विभो मद्रोगमुद्वासयेत्॥
Kalambhodakalayakomalaruchichakrena chakram dishamavrinvanamudaramandahasitasyandaprasannananam, rajatkambugadaripankajadharashrimadbhujamandalam srashtustushtikaram vapustava vibho madrogamudvasayet.
काले बादलों और कलाय फूलों जैसी कोमल कांति से दिशाओं को ढकने वाला, उदार मंद मुस्कान से प्रसन्न मुख वाला, चमकते शंख, गदा, चक्र और कमल धारण करती सुंदर भुजाओं वाला, सृष्टिकर्ता को प्रसन्न करने वाला आपका वह रूप, हे विभु, मेरा रोग दूर करे।
दृष्ट्वा सम्भृतसम्भ्रमः कमलभूस्त्वत्पादपाथोरुहे हर्षावेशवशंवदो निपतितः प्रीत्या कृतार्थीभवन्।
जानास्येव मनीषितं मम विभो ज्ञानं तदापादय द्वैताद्वैतभवत्स्वरूपपरमित्याचष्ट तं त्वां भजे॥
Drishtva sambhritasambhramah kamalabhustvatpadapathoruhe harshaveshavashamvado nipatitah pritya kritarthibhavan, janasyeva manishitam mama vibho jnanam tadapadaya dvaitadvaitabhavatsvarupaparamityachashta tam tvam bhaje.
उसे देखकर आदर से भरे और आनंद के आवेश में डूबे ब्रह्मा प्रेम से कृतार्थ होकर आपके चरण-कमलों में गिर पड़े और बोले: ‘हे विभु, आप मेरी इच्छा जानते ही हैं; मुझे द्वैत-अद्वैत से परे अपने स्वरूप का ज्ञान दीजिए।’ उन आपको मैं भजता हूँ।
आताम्रे चरणे विनम्रमथ तं हस्तेन हस्ते स्पृशन् बोधस्ते भविता न सर्गविधिभिर्बन्धोऽपि सञ्जायते।
इत्याभाष्य गिरं प्रतोष्य नितरां तच्चित्तगूढः स्वयं सृष्टौ तं समुदैरयस्स भगवन्नुल्लासयोल्लाघताम्॥
Atamre charane vinamramatha tam hastena haste sprishan bodhaste bhavita na sargavidhibhirbandhopi sanjayate, ityabhashya giram pratoshya nitaram tachchittagudhah svayam srishtau tam samudairayassa bhagavannullasayollaghatam.
फिर अपने लाल चरणों में झुके ब्रह्मा के हाथ को अपने हाथ से छूकर आपने कहा: ‘तुम्हें ज्ञान मिलेगा, और सृष्टि के कामों से तुम्हें बंधन नहीं होगा।’ इन वचनों से उन्हें बहुत प्रसन्न करके आपने स्वयं उनके मन में छिपकर उन्हें सृष्टि में लगाया। हे भगवन्, मुझे स्वस्थ कीजिए।