नारायणीयम् · दशक 6

Narayaneeyam: Dashakam 6

स्तोत्र · संस्कृत · कृष्ण · मेल्पत्तूर् नारायण भट्टतिरि

एवं चतुर्दशजगन्मयतां गतस्य पातालमीश तव पादतलं वदन्ति।
पादोर्ध्वदेशमपि देव रसातलं ते गुल्फद्वयं खलु महातलमद्भुतात्मन्॥
Evam chaturdashajaganmayatam gatasya patalamisha tava padatalam vadanti, padordhvadeshamapi deva rasatalam te gulphadvayam khalu mahatalamadbhutatman.
हे ईश, चौदहों लोकों के रूप में प्रकट हुए तुम्हारे पैर के तलवे को पाताल कहते हैं; हे देव, पैर का ऊपरी भाग रसातल है, और हे अद्भुत स्वरूप, दोनों टखने महातल हैं।
जङ्घे तलातलमथो सुतलं च जानू किञ्चोरुभागयुगलं वितलातले द्वे।
क्षोणीतलं जघनमम्बरमङ्ग नाभिर्वक्षश्च शक्रनिलयस्तव चक्रपाणे॥
Janghe talatalamatho sutalam cha janu kinchorubhagayugalam vitalatale dve, kshonitalam jaghanamambaramanga nabhirvakshashcha shakranilayastava chakrapane.
हे चक्रपाणि, तुम्हारी पिंडलियाँ तलातल, घुटने सुतल, दोनों जाँघें वितल और अतल हैं; कमर पृथ्वी है, नाभि आकाश है, और वक्ष इंद्र का स्वर्ग है।
ग्रीवा महस्तव मुखं च जनस्तपस्तु फालं शिरस्तव समस्तमयस्य सत्यम्।
एवं जगन्मयतनो जगदाश्रितैरप्यन्यैर्निबद्धवपुषे भगवन्नमस्ते॥
Griva mahastava mukham cha janastapastu phalam shirastava samastamayasya satyam, evam jaganmayatano jagadashritairapyanyairnibaddhavapushe bhagavannamaste.
तुम्हारी गर्दन महर्लोक, मुख जनलोक, माथा तपोलोक और सिर सत्यलोक है, हे सर्वमय। हे भगवन, जगत ही जिनका शरीर है और जिनके विराट रूप का दूसरों ने भी अलग-अलग तरह वर्णन किया है, तुम्हें नमस्कार।
त्वद्ब्रह्मरन्ध्रपदमीश्वर विश्वकन्द छन्दांसि केशव घनास्तव केशपाशाः।
उल्लासिचिल्लियुगलं द्रुहिणस्य गेहं पक्ष्माणि रात्रिदिवसौ सविता च नेत्रे॥
Tvadbrahmarandhrapadamishvara vishvakanda chhandamsi keshava ghanastava keshapashah, ullasichilliyugalam druhinasya geham pakshmani ratridivasau savita cha netre.
हे ईश्वर, हे विश्व के मूल, हे केशव: वैदिक छंद तुम्हारा ब्रह्मरंध्र हैं, बादल तुम्हारे केश हैं, सुंदर भौंहें ब्रह्मा का घर हैं, पलकें रात और दिन हैं, और सूर्य तुम्हारी आँखें हैं।
निश्शेषविश्वरचना च कटाक्षमोक्षः कर्णौ दिशोऽश्वियुगलं तव नासिके द्वे।
लोभत्रपे च भगवन्नधरोत्तरोष्ठौ तारागणश्च दशनाः शमनश्च दंष्ट्रा॥
Nishsheshavishvarachana cha katakshamokshah karnau dishoshviyugalam tava nasike dve, lobhatrape cha bhagavannadharottaroshthau taraganashcha dashanah shamanashcha damshtra.
सारे संसार की रचना तुम्हारी तिरछी नज़र है; दिशाएँ तुम्हारे कान और दोनों अश्विनीकुमार तुम्हारे नथुने हैं; हे भगवन, लोभ और लज्जा तुम्हारे नीचे और ऊपर के होंठ हैं, तारे दाँत हैं और यम तुम्हारी दाढ़ें हैं।
माया विलासहसितं श्वसितं समीरो जिह्वा जलं वचनमीश शकुन्तपङ्क्तिः।
सिद्धादयस्स्वरगणा मुखरन्ध्रमग्निर्देवा भुजाः स्तनयुगं तव धर्मदेवः॥
Maya vilasahasitam shvasitam samiro jihva jalam vachanamisha shakuntapanktih, siddhadayassvaragana mukharandhramagnirdeva bhujah stanayugam tava dharmadevah.
माया तुम्हारी लीला-भरी हँसी है, वायु तुम्हारी साँस, जल जीभ, पक्षियों की पंक्तियाँ तुम्हारी वाणी, सिद्ध आदि तुम्हारे स्वर, अग्नि मुख, देवता भुजाएँ और धर्मदेव तुम्हारा वक्ष हैं।
पृष्ठं त्वधर्म इह देव मनस्सुधांशुरव्यक्तमेव हृदयाम्बुजमम्बुजाक्ष।
कुक्षिस्समुद्रनिवहा वसनं तु सन्ध्ये शेफः प्रजापतिरसौ वृषणौ च मित्रः॥
Prishtham tvadharma iha deva manassudhamshuravyaktameva hridayambujamambujaksha, kukshissamudranivaha vasanam tu sandhye shephah prajapatirasau vrishanau cha mitrah.
हे कमलनयन, अधर्म तुम्हारी पीठ है, चंद्रमा मन है, अव्यक्त तुम्हारा हृदय-कमल है; समुद्र तुम्हारा पेट हैं, दोनों संध्याएँ वस्त्र हैं, और प्रजापति तथा मित्र तुम्हारी जनन-इंद्रियाँ हैं।
श्रोणीस्थलं मृगगणाः पदयोर्नखास्ते हस्त्युष्ट्रसैन्धवमुखा गमनं तु कालः।
विप्रादिवर्णभवनं वदनाब्जबाहुचारूरुयुग्मचरणं करुणाम्बुधे ते॥
Shronisthalam mrigaganah padayornakhaste hastyushtrasaindhavamukha gamanam tu kalah, vipradivarnabhavanam vadanabjabahucharuruyugmacharanam karunambudhe te.
पशुओं के झुंड तुम्हारे नितंब हैं; हाथी, ऊँट, घोड़े आदि तुम्हारे पैरों के नाखून हैं; काल तुम्हारी चाल है; और हे करुणासागर, ब्राह्मण आदि वर्ण तुम्हारे मुख-कमल, भुजाओं, सुंदर जाँघों और चरणों से उत्पन्न हुए हैं।
संसारचक्रमयि चक्रधर क्रियास्ते वीर्यं महासुरगणोऽस्थिकुलानि शैलाः।
नाड्यस्सरित्समुदयस्तरवश्च रोम जीयादिदं वपुरनिर्वचनीयमीश॥
Samsarachakramayi chakradhara kriyaste viryam mahasuraganosthikulani shailah, nadyassaritsamudayastaravashcha roma jiyadidam vapuranirvachaniyamisha.
हे चक्रधारी, संसार-चक्र तुम्हारे कर्म हैं; बड़े-बड़े असुर तुम्हारा बल हैं, पर्वत हड्डियाँ, नदियाँ नाड़ियाँ और पेड़ तुम्हारे रोम हैं। हे ईश, तुम्हारे इस अवर्णनीय शरीर की जय हो।
ईदृग्जगन्मयवपुस्तव कर्मभाजां कर्मावसानसमये स्मरणीयमाहुः।
तस्यान्तरात्मवपुषे विमलात्मने ते वातालयाधिप नमोऽस्तु निरुन्धि रोगान्॥
Idrigjaganmayavapustava karmabhajam karmavasanasamaye smaraniyamahuh, tasyantaratmavapushe vimalatmane te vatalayadhipa namostu nirundhi rogan.
कहते हैं कि कर्मकांड करने वालों को कर्म पूरे होने पर तुम्हारे इस विश्वमय शरीर का स्मरण करना चाहिए। उस शरीर की अंतरात्मा, निर्मल आत्मा रूप तुम्हें नमस्कार, हे गुरुवायूर के स्वामी, मेरे रोगों को रोक दो।