नारायणीयम् · दशक 76

Narayaneeyam: Dashakam 76

स्तोत्र · संस्कृत · कृष्ण · मेल्पत्तूर् नारायण भट्टतिरि

गत्वा सान्दीपनिमथ चतुष्षष्टिमात्रैरहोभिः सर्वज्ञस्त्वं सह मुसलिना सर्वविद्यां गृहीत्वा।
पुत्रं नष्टं यमनिलयनादाहृतं दक्षिणार्थं दत्त्वा तस्मै निजपुरमगा नादयन्पाञ्चजन्यम्॥
Gatva sandipanimatha chatushshashtimatrairahobhih sarvajnastvam saha musalina sarvavidyam grihitva, putram nashtam yamanilayanadahritam dakshinartham dattva tasmai nijapuramaga nadayanpanchajanyam.
फिर आप सान्दीपनि मुनि के पास गए और सर्वज्ञ होते हुए भी बलराम के साथ केवल चौंसठ दिनों में सारी विद्याएँ सीख लीं। गुरु-दक्षिणा में उनके खोए पुत्र को यमलोक से लाकर उन्हें सौंपा, और पाञ्चजन्य शंख बजाते हुए अपने नगर लौट आए।
स्मृत्वा स्मृत्वा पशुपसुदृशः प्रेमभारप्रणुन्नाः कारुण्येन त्वमपि विवशः प्राहिणोरुद्धवं तम्।
किञ्चामुष्मै परमसुहृदे भक्तवर्याय तासां भक्त्युद्रेकं सकलभुवने दुर्लभं दर्शयिष्यन्॥
Smritva smritva pashupasudrishah premabharapranunnah karunyena tvamapi vivashah prahinoruddhavam tam, kinchamushmai paramasuhride bhaktavaryaya tasam bhaktyudrekam sakalabhuvane durlabham darshayishyan.
प्रेम के भार से व्याकुल सुंदर नयनों वाली गोपियों को बार-बार याद करके आप भी करुणा से विवश हो गए और उद्धव को भेजा; साथ ही अपने उस परम मित्र और श्रेष्ठ भक्त को उनकी वह उमड़ती भक्ति दिखाने के लिए, जो सारे संसार में दुर्लभ है।
त्वन्माहात्म्यप्रथिमपिशुनं गोकुलं प्राप्य सायं त्वद्वार्ताभिर्बहु स रमयामास नन्दं यशोदाम्।
प्रातर्दृष्ट्वा मणिमयरथं शङ्किताः पङ्कजाक्ष्यः श्रुत्वा प्राप्तं भवदनुचरं त्यक्तकार्याः समीयुः॥
Tvanmahatmyaprathimapishunam gokulam prapya sayam tvadvartabhirbahu sa ramayamasa nandam yashodam, pratardrishtva manimayaratham shankitah pankajakshyah shrutva praptam bhavadanucharam tyaktakaryah samiyuh.
शाम को आपकी महिमा बताने वाले गोकुल पहुँचकर उन्होंने आपकी बातें सुनाकर नन्द और यशोदा को बहुत प्रसन्न किया। सुबह मणियों से जड़ा रथ देखकर कमलनयनी गोपियाँ चिंतित हुईं; आपके साथी के आने की बात सुनकर वे काम छोड़कर इकट्ठी हो गईं।
दृष्ट्वा चैनं त्वदुपमलसद्वेषभूषाभिरामं स्मृत्वा स्मृत्वा तव विलसितान्युच्चकैस्तानि तानि।
रुद्धालापाः कथमपि पुनर्गद्गदां वाचमूचुः सौजन्यादीन्निजपरभिदामप्यलं विस्मरन्त्यः॥
Drishtva chainam tvadupamalasadveshabhushabhiramam smritva smritva tava vilasitanyuchchakaistani tani, ruddhalapah kathamapi punargadgadam vachamuchuh saujanyadinnijaparabhidamapyalam vismarantyah.
आपके जैसे सुंदर वस्त्रों और आभूषणों में सजे उद्धव को देखकर और आपकी तरह-तरह की लीलाओं को बार-बार याद करके उनका गला भर आया; वे शिष्टाचार और अपने-पराए का भेद भी भूलकर किसी तरह रुँधी आवाज़ में बोलीं।
श्रीमन् किं त्वं पितृजनकृते प्रेषितो निर्दयेन क्वासौ कान्तो नगरसुदृशां हा हरे नाथ पायाः।
आश्लेषाणाममृतवपुषो हन्त ते चुम्बनानामुन्मादानां कुहकवचसां विस्मरेत्कान्त का वा॥
Shriman kim tvam pitrijanakrite preshito nirdayena kvasau kanto nagarasudrisham ha hare natha payah, ashleshanamamritavapusho hanta te chumbananamunmadanam kuhakavachasam vismaretkanta ka va.
‘हे श्रीमान, क्या उस निर्दयी ने आपको केवल अपने माता-पिता के लिए भेजा है? नगर की सुंदरियों का वह प्रियतम कहाँ है? हाय हरि, हे नाथ, हमारी रक्षा करो! हे प्रियतम, तुम्हारे आलिंगन, अमृत जैसे शरीर, चुम्बन, उन्माद और छल भरी बातों को कौन भूल सकती है?’
रासक्रीडालुलितललितं विश्लथत्केशपाशं मन्दोद्भिन्नश्रमजलकणं लोभनीयं त्वदङ्गम्।
कारुण्याब्धे सकृदपि समालिङ्गितुं दर्शयेति प्रेमोन्मादाद्भुवनमदन त्वत्प्रियास्त्वां विलेपुः॥
Rasakridalulitalalitam vishlathatkeshapasham mandodbhinnashramajalakanam lobhaniyam tvadangam, karunyabdhe sakridapi samalingitum darshayeti premonmadadbhuvanamadana tvatpriyastvam vilepuh.
‘हे करुणा के सागर, हे जगत को मोहने वाले, रास-लीला से अस्त-व्यस्त पर सुंदर, खुले बालों वाला, पसीने की बूँदों से सजा अपना मनमोहक शरीर हमें गले लगाने के लिए एक बार तो दिखा दो।’ प्रेम के उन्माद में आपकी प्रियाएँ ऐसे विलाप करने लगीं।
एवं प्रायैर्विवशवचनैराकुला गोपिकास्ताः त्वत्सन्देशैः प्रकृतिमनयत्सोऽथ विज्ञानगर्भैः।
भूयस्ताभिर्मुदितमतिभिस्त्वन्मयीभिर्वधूभिस्तत्तद्वार्तासरसमनयत्कानिचिद्वासराणि॥
Evam prayairvivashavachanairakula gopikastah tvatsandeshaih prakritimanayatsotha vijnanagarbhaih, bhuyastabhirmuditamatibhistvanmayibhirvadhubhistattadvartasarasamanayatkanichidvasarani.
ऐसे विवश वचन बोलकर व्याकुल हुई गोपियों को उद्धव ने आपके ज्ञान भरे संदेशों से शांत किया। फिर उन प्रसन्न और आपमें डूबी गोपियों के साथ आपकी बातें करते हुए उन्होंने कुछ दिन आनंद से बिताए।
त्वत्प्रोद्गानैः सहितमनिशं सर्वतो गेहकृत्यं त्वद्वार्तैव प्रसरति मिथः सैव चोत्स्वापलापाः।
चेष्टाः प्रायस्त्वदनुकृतयस्त्वन्मयं सर्वमेवं दृष्ट्वा तत्र व्यमुहदधिकं विस्मयादुद्धवोऽयम्॥
Tvatprodganaih sahitamanisham sarvato gehakrityam tvadvartaiva prasarati mithah saiva chotsvapalapah, cheshtah prayastvadanukritayastvanmayam sarvamevam drishtva tatra vyamuhadadhikam vismayaduddhavoyam.
दिन-रात हर घर में आपके गीतों के साथ घर का काम चलता था; आपस में आपकी ही बातें होती थीं, नींद में भी वही बड़बड़ाहट; उनकी चेष्टाएँ भी ज़्यादातर आपकी नकल थीं। सब कुछ ऐसे आपमें डूबा देखकर उद्धव आश्चर्य से और भी मुग्ध हो गए।
राधाया मे प्रियतममिदं मत्प्रियैवं ब्रवीति त्वं किं मौनं कलयसि सखे मानिनी मत्प्रियेव।
इत्याद्येव प्रवदति सखि त्वत्प्रियो निर्जने मामित्थंवादैररमयदयं त्वत्प्रियामुत्पलाक्षीम्॥
Radhaya me priyatamamidam matpriyaivam braviti tvam kim maunam kalayasi sakhe manini matpriyeva, ityadyeva pravadati sakhi tvatpriyo nirjane mamitthamvadairaramayadayam tvatpriyamutpalakshim.
‘सखी, एकांत में तुम्हारे प्रियतम मुझसे ऐसी बातें कहते हैं: “यह मेरी राधा को सबसे प्रिय है,” और “मित्र, मेरी रूठी प्रिया की तरह चुप क्यों हो?”’ ऐसी बातों से उद्धव ने आपकी कमलनयनी प्रिया को प्रसन्न किया।
एष्यामि द्रागनुपगमनं केवलं कार्यभाराद्विश्लेषेऽपि स्मरणदृढतासम्भवान्मास्तु खेदः।
ब्रह्मानन्दे मिलति नचिरात्सङ्गमो वा वियोगस्तुल्यो वः स्यादिति तव गिरा सोऽकरोन्निर्व्यथास्ताः॥
Eshyami draganupagamanam kevalam karyabharadvishleshepi smaranadridhatasambhavanmastu khedah, brahmanande milati nachiratsangamo va viyogastulyo vah syaditi tava gira sokaronnirvyathastah.
‘मैं जल्दी आऊँगा; केवल कामों के बोझ के कारण नहीं आ पा रहा। दुखी मत होना, क्योंकि वियोग में याद और गहरी होती है। जल्दी ही तुम्हें ब्रह्मानंद मिलेगा, जहाँ मिलन और वियोग एक जैसे होते हैं।’ आपके इन वचनों से उद्धव ने उन्हें दुख से मुक्त किया।
एवं भक्तिः सकलभुवने नेक्षिता न श्रुता वा किं शास्त्रौघैः किमिह तपसा गोपिकाभ्यो नमोऽस्तु।
इत्यानन्दाकुलमुपगतं गोकुलादुद्धवं तं दृष्ट्वा हृष्टो गुरुपुरपते पाहि मामामयौघात्॥
Evam bhaktih sakalabhuvane nekshita na shruta va kim shastraughaih kimiha tapasa gopikabhyo namostu, ityanandakulamupagatam gokuladuddhavam tam drishtva hrishto gurupurapate pahi mamamayaughat.
‘ऐसी भक्ति सारे संसार में न कहीं देखी, न सुनी। यहाँ शास्त्रों के ढेर और तप का क्या काम? गोपियों को नमस्कार है!’ ऐसे आनंद से भरकर गोकुल से लौटे उद्धव को देखकर आप प्रसन्न हुए। हे गुरुवायुर के स्वामी, रोगों के समूह से मेरी रक्षा करो।