नारायणीयम् · दशक 94

Narayaneeyam: Dashakam 94

स्तोत्र · संस्कृत · कृष्ण · मेल्पत्तूर् नारायण भट्टतिरि

शुद्धा निष्कामधर्मैः प्रवरगुरुगिरा तत्स्वरूपं परं ते शुद्धं देहेन्द्रियादिव्यपगतमखिलव्याप्तमावेदयन्ते।
नानात्वस्थौल्यकार्श्यादि तु गुणजवपुस्सङ्गतोऽध्यासितं ते वह्नेर्दारुप्रभेदेष्विव महदणुतादीप्तताशान्ततादि॥
Shuddha nishkamadharmaih pravaragurugira tatsvarupam param te shuddham dehendriyadivyapagatamakhilavyaptamavedayante, nanatvasthaulyakarshyadi tu gunajavapussangatodhyasitam te vahnerdaruprabhedeshviva mahadanutadiptatashantatadi.
निष्काम धर्म से शुद्ध हुए लोग श्रेष्ठ गुरु के वचनों से तुम्हारे परम, शुद्ध स्वरूप को जानते हैं, जो देह-इंद्रियों से परे और सर्वव्यापी है। अनेकता, मोटापन, दुबलापन आदि तो गुणों से बने शरीरों के संग से तुम पर आरोपित हैं, जैसे लकड़ी के भेद से आग बड़ी-छोटी, तेज या शांत दिखती है।
आचार्याख्याधरस्थारणिसमनुमिलच्छिष्यरूपोत्तरारण्यावेधोद्भासितेन स्फुटतरपरिबोधाग्निना दह्यमाने।
कर्मालीवासनातत्कृततनुभुवनभ्रान्तिकान्तारपूरे दाह्याभावेन विद्याशिखिनि च विरते त्वन्मयी खल्ववस्था॥
Acharyakhyadharastharanisamanumilachchhishyarupottararanyavedhodbhasitena sphutataraparibodhagnina dahyamane, karmalivasanatatkritatanubhuvanabhrantikantarapure dahyabhavena vidyashikhini cha virate tvanmayi khalvavastha.
गुरु नीचे की अरणि है और शिष्य ऊपर की; दोनों के घर्षण से स्पष्ट ज्ञान की अग्नि जलती है। जब वह कर्मों की श्रृंखला, उनकी वासनाओं और उनसे बने शरीर व लोकों के भ्रम-रूपी जंगल को जला देती है, और जलाने को कुछ न रहने पर ज्ञान की अग्नि भी शांत हो जाती है, तब तुममय अवस्था ही बचती है।
एवं त्वत्प्राप्तितोऽन्यो न हि खलु निखिलक्लेशहानेरुपायो नैकान्तात्यन्तिकास्ते कृषिवदगदषाड्गुण्यषट्कर्मयोगाः।
दुर्वैकल्यैरकल्या अपि निगमपथास्तत्फलान्यप्यवाप्ता मत्तास्त्वां विस्मरन्तः प्रसजति पतने यान्त्यनन्तान्विषादान्॥
Evam tvatpraptitonyo na hi khalu nikhilakleshahanerupayo naikantatyantikaste krishivadagadashadgunyashatkarmayogah, durvaikalyairakalya api nigamapathastatphalanyapyavapta mattastvam vismarantah prasajati patane yantyanantanvishadan.
इसलिए तुम्हें पाने के सिवा सारे दुखों को मिटाने का कोई उपाय नहीं। खेती की तरह औषधि, राजनीति के छह उपाय, छह कर्म और योग, ये न निश्चित हैं न स्थायी। वेद के मार्ग भी दोषों के कारण कठिन हैं, और उनके फल पाने वाले भी मतवाले होकर तुम्हें भूल जाते हैं और गिरकर अनंत दुख पाते हैं।
त्वल्लोकादन्यलोकः क्व नु भयरहितो यत्परार्धद्वयान्ते त्वद्भीतस्सत्यलोकेऽपि न सुखवसतिः पद्मभूः पद्मनाभ।
एवम्भावे त्वधर्मार्जितबहुतमसां का कथा नारकाणां तन्मे त्वं छिन्धि बन्धं वरद कृपणबन्धो कृपापूरसिन्धो॥
Tvallokadanyalokah kva nu bhayarahito yatparardhadvayante tvadbhitassatyalokepi na sukhavasatih padmabhuh padmanabha, evambhave tvadharmarjitabahutamasam ka katha narakanam tanme tvam chhindhi bandham varada kripanabandho kripapurasindho.
तुम्हारे लोक के सिवा कौन-सा लोक भय से मुक्त है? हे पद्मनाभ, सत्यलोक में भी ब्रह्मा अपनी आयु के अंत में तुम्हारे डर से चैन से नहीं रहते। ऐसे में अधर्म से घना अंधकार कमाने वाले नरकवासियों की क्या बात? इसलिए हे वरदाता, दीनबंधु, कृपासिंधु, मेरा बंधन काट दो।
याथार्थ्यात्त्वन्मयस्यैव हि मम न विभो वस्तुतो बन्धमोक्षौ मायाविद्यातनुभ्यां तव तु विरचितौ स्वप्नबोधोपमौ तौ।
बद्धे जीवद्विमुक्तिं गतवति च भिदा तावती तावदेको भुङ्क्ते देहद्रुमस्थो विषयफलरसान्नापरो निर्व्यथात्मा॥
Yatharthyattvanmayasyaiva hi mama na vibho vastuto bandhamokshau mayavidyatanubhyam tava tu virachitau svapnabodhopamau tau, baddhe jivadvimuktim gatavati cha bhida tavati tavadeko bhunkte dehadrumastho vishayaphalarasannaparo nirvyathatma.
हे विभु, सच में मैं तुममय ही हूँ, इसलिए मेरे लिए वास्तव में न बंधन है न मोक्ष; ये तुम्हारी माया और विद्या से बने हैं, सपने और जागने जैसे। बँधे हुए और जीवन्मुक्त में बस इतना अंतर है कि एक शरीर-रूपी पेड़ पर बैठकर विषयों के फल खाता है, और दूसरा शांत मन से नहीं खाता।
जीवन्मुक्तत्वमेवंविधमिति वचसा किं फलं दूरदूरे तन्नामाशुद्धबुद्धेर्न च लघु मनसः शोधनं भक्तितोऽन्यत्।
तन्मे विष्णो कृषीष्ठास्त्वयि कृतसकलप्रार्पणं भक्तिभारं येन स्यां मङ्क्षु किञ्चिद्गुरुवचनमिलत्त्वत्प्रबोधस्त्वदात्मा॥
Jivanmuktatvamevamvidhamiti vachasa kim phalam duradure tannamashuddhabuddherna cha laghu manasah shodhanam bhaktitonyat, tanme vishno krishishthastvayi kritasakalaprarpanam bhaktibharam yena syam mankshu kinchidguruvachanamilattvatprabodhastvadatma.
“जीवन्मुक्ति ऐसी होती है” बस कहने से क्या लाभ? अशुद्ध बुद्धि वाले के लिए वह बहुत दूर है, और भक्ति के सिवा मन को शुद्ध करने का कोई आसान उपाय नहीं। इसलिए हे विष्णु, मुझे ऐसी भरपूर भक्ति दो जिसमें सब कुछ तुम्हें अर्पित हो, जिससे गुरु के वचनों से तुम्हारा बोध पाकर मैं जल्दी तुममय हो जाऊँ।
शब्दब्रह्मण्यपीह प्रयतितमनसस्त्वां न जानन्ति केचित् कष्टं वन्ध्यश्रमास्ते चिरतरमिह गां बिभ्रते निष्प्रसूतिम्।
यस्यां विश्वाभिरामास्सकलमलहरा दिव्यलीलावताराः सच्चित्सान्द्रं च रूपं तव न निगदितं तां न वाचं भ्रियासम्॥
Shabdabrahmanyapiha prayatitamanasastvam na jananti kechit kashtam vandhyashramaste chirataramiha gam bibhrate nishprasutim, yasyam vishvabhiramassakalamalahara divyalilavatarah sachchitsandram cha rupam tava na nigaditam tam na vacham bhriyasam.
यहाँ कुछ लोग वेदों में मन लगाकर भी तुम्हें नहीं जानते; हाय, उनका परिश्रम बेकार है, जैसे कोई बरसों तक दूध न देने वाली गाय पाले। जिस वाणी में संसार को आनंद देने वाले, सब मल हरने वाले तुम्हारे दिव्य अवतारों और सच्चिदानंद रूप का वर्णन न हो, ऐसी वाणी मैं कभी न धारण करूँ।
यो यावान्यादृशो वा त्वमिति किमपि नैवावगच्छामि भूमन्नेवञ्चानन्यभावस्त्वदनुभजनमेवाद्रिये चैद्यवैरिन्।
त्वल्लिङ्गानां त्वदङ्घ्रिप्रियजनसदसां दर्शनस्पर्शनादिर्भूयान्मे त्वत्प्रपूजानतिनुतिगुणकर्मानुकीर्त्यादरोऽपि॥
Yo yavanyadrisho va tvamiti kimapi naivavagachchhami bhumannevanchananyabhavastvadanubhajanamevadriye chaidyavairin, tvallinganam tvadanghripriyajanasadasam darshanasparshanadirbhuyanme tvatprapujanatinutigunakarmanukirtyadaropi.
हे भूमन, तुम कौन हो, कितने हो, कैसे हो, मैं कुछ भी नहीं समझता; इसलिए हे शिशुपाल के शत्रु, अनन्य भाव से मैं केवल तुम्हारे भजन को ही मानता हूँ। मुझे तुम्हारी मूर्तियों और तुम्हारे चरणों के प्रेमी भक्तों की सभाओं के दर्शन और स्पर्श मिलें, और तुम्हारी पूजा, नमन, स्तुति और गुण-कर्मों के कीर्तन में मेरा प्रेम हो।
यद्यल्लभ्येत तत्तत्तव समुपहृतं देव दासोऽस्मि तेऽहं त्वद्गेहोन्मार्जनाद्यं भवतु मम मुहुः कर्म निर्मायमेव।
सूर्याग्निब्राह्मणात्मादिषु लसितचतुर्बाहुमाराधये त्वां त्वत्प्रेमार्द्रत्वरूपो मम सततमभिष्यन्दतां भक्तियोगः॥
Yadyallabhyeta tattattava samupahritam deva dasosmi teham tvadgehonmarjanadyam bhavatu mama muhuh karma nirmayameva, suryagnibrahmanatmadishu lasitachaturbahumaradhaye tvam tvatpremardratvarupo mama satatamabhishyandatam bhaktiyogah.
हे देव, जो कुछ मिले, वह सब तुम्हें अर्पित हो; मैं तुम्हारा दास हूँ। तुम्हारे मंदिर की सफ़ाई जैसे काम मैं बार-बार निष्कपट भाव से करूँ। सूर्य, अग्नि, ब्राह्मण, अपनी आत्मा आदि में चमकते चतुर्भुज रूप में मैं तुम्हारी आराधना करूँ। तुम्हारे प्रेम से भीगा भक्ति-योग मुझमें सदा बहता रहे।
ऐक्यं ते दानहोमव्रतनियमतपस्साङ्ख्ययोगैर्दुरापं त्वत्सङ्गेनैव गोप्यः किल सुकृतितमाः प्रापुरानन्दसान्द्रम्।
भक्तेष्वन्येषु भूयस्स्वपि बहुमनुषे भक्तिमेव त्वमासां तन्मे त्वद्भक्तिमेव द्रढय हर गदान्कृष्ण वातालयेश॥
Aikyam te danahomavrataniyamatapassankhyayogairdurapam tvatsangenaiva gopyah kila sukrititamah prapuranandasandram, bhakteshvanyeshu bhuyassvapi bahumanushe bhaktimeva tvamasam tanme tvadbhaktimeva dradhaya hara gadankrishna vatalayesha.
दान, हवन, व्रत, नियम, तप, सांख्य और योग से तुम्हारी एकता पाना कठिन है, पर अत्यंत पुण्यशाली गोपियों ने केवल तुम्हारे साथ से आनंद से भरी वह एकता पा ली। और बहुत-से भक्तों के होते हुए भी तुम उनकी भक्ति को ही सबसे ऊँचा मानते हो। इसलिए हे कृष्ण, हे गुरुवायूर के स्वामी, मेरी भक्ति को दृढ़ करो और मेरे रोग हर लो।