नारायणीयम् · दशक 93

Narayaneeyam: Dashakam 93

स्तोत्र · संस्कृत · कृष्ण · मेल्पत्तूर् नारायण भट्टतिरि

बन्धुस्नेहं विजह्यां तव हि करुणया त्वय्युपावेशितात्मा सर्वं त्यक्त्वा चरेयं सकलमपि जगद्वीक्ष्य मायाविलासम्।
नानात्वाद्भ्रान्तिजन्यात्सति खलु गुणदोषावबोधे विधिर्वा व्यासेधो वा कथं तौ त्वयि निहितमतेर्वीतवैषम्यबुद्धेः॥
Bandhusneham vijahyam tava hi karunaya tvayyupaveshitatma sarvam tyaktva chareyam sakalamapi jagadvikshya mayavilasam, nanatvadbhrantijanyatsati khalu gunadoshavabodhe vidhirva vyasedho va katham tau tvayi nihitamatervitavaishamyabuddheh.
आपकी करुणा से मैं बंधुओं का मोह छोड़ दूँ, मन आप में लगा दूँ, सब त्यागकर पूरे संसार को माया का खेल समझते हुए विचरूँ। गुण-दोष की समझ भ्रम से पैदा हुए भेद से ही होती है; जिसका मन आप में टिका है और भेद बुद्धि मिट गई है, उसके लिए विधि और निषेध कैसे?
क्षुत्तृष्णालोपमात्रे सततकृतधियो जन्तवस्सन्त्यनन्तास्तेभ्यो विज्ञानवत्त्वात्पुरुष इह वरस्तज्जनिर्दुर्लभैव।
तत्राप्यात्माऽऽत्मनः स्यात्सुहृदपि च रिपुर्यस्त्वयि न्यस्तचेतास्तापोच्छित्तेरुपायं स्मरति स हि सुहृत्स्वात्मवैरी ततोऽन्यः॥
Kshuttrishnalopamatre satatakritadhiyo jantavassantyanantastebhyo vijnanavattvatpurusha iha varastajjanirdurlabhaiva, tatrapyatmatmanah syatsuhridapi cha ripuryastvayi nyastachetastapochchhitterupayam smarati sa hi suhritsvatmavairi tatonyah.
अनगिनत जीव हैं जिनका ध्यान केवल भूख-प्यास मिटाने में लगा रहता है। उनमें विवेक के कारण मनुष्य श्रेष्ठ है, और मनुष्य जन्म दुर्लभ है। उसमें भी आदमी खुद का मित्र या शत्रु हो सकता है; जो मन आप में लगाकर दुःख मिटाने का उपाय याद रखता है, वह अपना मित्र है, और दूसरा अपना ही शत्रु है।
त्वत्कारुण्ये प्रवृत्ते क इव न हि गुरुर्लोकवृत्तेऽपि भूमन् सर्वाक्रान्तापि भूमिर्न हि चलति ततः सत्क्षमां शिक्षयेयम्।
गृह्णीयामीश तत्तद्विषयपरिचयेऽप्यप्रसक्तिं समीराद्व्याप्तत्वञ्चात्मनो मे गगनगुरुवशाद्भातु निर्लेपता च॥
Tvatkarunye pravritte ka iva na hi gururlokavrittepi bhuman sarvakrantapi bhumirna hi chalati tatah satkshamam shikshayeyam, grihniyamisha tattadvishayaparichayepyaprasaktim samiradvyaptatvanchatmano me gaganaguruvashadbhatu nirlepata cha.
हे भूमन्, आपकी करुणा जागने पर संसार में कौन गुरु नहीं है? सबके रौंदने पर भी धरती नहीं डोलती; उससे मैं सच्ची क्षमा सीखूँ। हे ईश, वायु से विषयों के बीच रहकर भी अनासक्ति सीखूँ, और आकाश गुरु से मेरी आत्मा की व्यापकता और निर्लेपता मुझे समझ आए।
स्वच्छः स्यां पावनोऽहं मधुर उदकवद्वह्निवन्मा स्म गृह्णां सर्वान्नीनोऽपि दोषं तरुषु तमिव मां सर्वभूतेष्ववेयाम्।
पुष्टिर्नष्टिः कलानां शशिन इव तनोर्नात्मनोऽस्तीति विद्यां तोयादिव्यस्तमार्ताण्डवदपि च तनुष्वेकतां त्वत्प्रसादात्॥
Svachchhah syam pavanoham madhura udakavadvahnivanma sma grihnam sarvanninopi dosham tarushu tamiva mam sarvabhuteshvaveyam, pushtirnashtih kalanam shashina iva tanornatmanostiti vidyam toyadivyastamartandavadapi cha tanushvekatam tvatprasadat.
जल की तरह मैं स्वच्छ, पवित्र करने वाला और मधुर बनूँ; आग की तरह सब कुछ ग्रहण करके भी दोष न लूँ, और लकड़ी में छिपी आग की तरह खुद को सब प्राणियों में जानूँ। चंद्रमा की कलाओं की तरह घटना-बढ़ना शरीर का है, आत्मा का नहीं, यह जानूँ; और जल में दिखते सूर्य की तरह आपकी कृपा से सब शरीरों में एक ही आत्मा जानूँ।
स्नेहाद्व्याधास्तपुत्रप्रणयमृतकपोतायितो मा स्म भूवं प्राप्तं प्राश्नन्सहेय क्षुधमपि शयुवत्सिन्धुवत्स्यामगाधः।
मा पप्तं योषिदादौ शिखिनि शलभवद्भृङ्गवत्सारभागी भूयासं किन्तु तद्वद्धनचयनवशान्माहमीश प्रणेशम्॥
Snehadvyadhastaputrapranayamritakapotayito ma sma bhuvam praptam prashnansaheya kshudhamapi shayuvatsindhuvatsyamagadhah, ma paptam yoshidadau shikhini shalabhavadbhringavatsarabhagi bhuyasam kintu tadvaddhanachayanavashanmahamisha pranesham.
मैं उस कबूतर जैसा न बनूँ जो बहेलिये द्वारा पकड़े बच्चों के मोह में मर गया। अजगर की तरह जो मिले वह खाऊँ और भूख भी सह लूँ; समुद्र की तरह गहरा बनूँ। पतंगे की तरह स्त्री आदि रूपी आग में न गिरूँ। भौंरे की तरह सार ही लूँ, पर हे ईश, मधुमक्खी की तरह धन जोड़ने के कारण नष्ट न होऊँ।
मा बध्यासं तरुण्या गज इव वशया नार्जयेयं धनौघं हर्तान्यस्तं हि माध्वीहर इव मृगवन्मा मुहं ग्राम्यगीतैः।
नात्यासज्जेय भोज्ये झष इव बडिशे पिङ्गलावन्निराशः सुप्यां भर्तव्ययोगात्कुरर इव विभो सामिषोऽन्यैर्न हन्यै॥
Ma badhyasam tarunya gaja iva vashaya narjayeyam dhanaugham hartanyastam hi madhvihara iva mrigavanma muham gramyagitaih, natyasajjeya bhojye jhasha iva badishe pingalavannirashah supyam bhartavyayogatkurara iva vibho samishonyairna hanyai.
हथिनी से फँसने वाले हाथी की तरह मैं किसी युवती से न बँधूँ; धन का ढेर न जोड़ूँ, क्योंकि जोड़ा हुआ धन दूसरा ले जाता है, जैसे शहद निकालने वाला मधुमक्खी का शहद। हिरण की तरह गँवारू गीतों से मोहित न होऊँ; काँटे में फँसी मछली की तरह भोजन में न अटकूँ। पिंगला की तरह आशा छोड़कर चैन से सोऊँ; और हे विभो, मांस पकड़े कुरर पक्षी की तरह संग्रह के कारण दूसरों से न मारा जाऊँ।
वर्तेय त्यक्तमानः सुखमतिशिशुवन्निस्सहायश्चरेयं कन्याया एकशेषो वलय इव विभो वर्जितान्योन्यघोषः।
त्वच्चित्तो नावबुध्यै परमिषुकृदिव क्ष्माभृदायानघोषं गेहेष्वन्यप्रणीतेष्वहिरिव निवसान्युन्दुरोर्मन्दिरेषु॥
Varteya tyaktamanah sukhamatishishuvannissahayashchareyam kanyaya ekashesho valaya iva vibho varjitanyonyaghoshah, tvachchitto navabudhyai paramishukridiva kshmabhridayanaghosham geheshvanyapraniteshvahiriva nivasanyundurormandireshu.
छोटे बच्चे की तरह मान छोड़कर सुख से रहूँ और अकेला विचरूँ। हे विभो, कन्या की कलाई में बचे एक कंगन की तरह आपसी शोर से बचूँ। आप में मन लगाकर, बाण बनाने वाले की तरह, जिसे राजा की सवारी का शोर भी पता न चला, और कुछ न जानूँ। साँप की तरह दूसरों के बनाए घरों में, चूहे के बिल जैसे, रहूँ।
त्वय्येव त्वत्कृतं त्वं क्षपयसि जगदित्यूर्णनाभात्प्रतीयां त्वच्चिन्ता त्वत्स्वरूपं कुरुत इति दृढं शिक्षये पेशकारात्।
विड्भस्मात्मा च देहो भवति गुरुवरो यो विवेकं विरक्तिं धत्ते सञ्चिन्त्यमानो मम तु बहुरुजापीडितोऽयं विशेषात्॥
Tvayyeva tvatkritam tvam kshapayasi jagadityurnanabhatpratiyam tvachchinta tvatsvarupam kuruta iti dridham shikshaye peshakarat, vidbhasmatma cha deho bhavati guruvaro yo vivekam viraktim dhatte sanchintyamano mama tu bahurujapiditoyam visheshat.
मकड़ी से मैं यह समझूँ कि आप अपने बनाए जगत को अपने में ही समेट लेते हैं। भृंगी कीट से दृढ़ता से सीखूँ कि आपका चिंतन आपका ही रूप बना देता है। और विष्ठा या राख बनने वाला यह शरीर ही श्रेष्ठ गुरु है, जो सोचने पर विवेक और वैराग्य देता है; मेरा शरीर तो खासकर बहुत रोगों से पीड़ित है।
ही ही मे देहमोहं त्यज पवनपुराधीश यत्प्रेमहेतोर्गेहे वित्ते कलत्रादिषु च विवशितास्त्वत्पदं विस्मरन्ति।
सोऽयं वह्नेः शुनो वा परमिह परतः साम्प्रतञ्चाक्षिकर्णत्वग्जिह्वाद्या विकर्षन्त्यवशमत इतः कोऽपि न त्वत्पदाब्जे॥
Hi hi me dehamoham tyaja pavanapuradhisha yatpremahetorgehe vitte kalatradishu cha vivashitastvatpadam vismaranti, soyam vahneh shuno va paramiha paratah sampratanchakshikarnatvagjihvadya vikarshantyavashamata itah kopi na tvatpadabje.
हाय, हाय! हे गुरुवायुर के स्वामी, मेरा शरीर का मोह छुड़ा दीजिए, जिसके प्रेम में लोग घर, धन, पत्नी आदि में बेबस होकर आपके चरण भूल जाते हैं। अंत में यह आग या कुत्तों का है, और अभी भी आँख, कान, त्वचा, जीभ आदि इसे बेबस इधर-उधर खींचते हैं; कोई भी इसे आपके चरण कमलों की ओर नहीं ले जाता।
दुर्वारो देहमोहो यदि पुनरधुना तर्हि निश्शेषरोगान् हृत्वा भक्तिं द्रढिष्ठां कुरु तव पदपङ्केरुहे पङ्कजाक्ष।
नूनं नानाभवान्ते समधिगतमिमं मुक्तिदं विप्रदेहं क्षुद्रे हा हन्त मा मा क्षिप विषयरसे पाहि मां मारुतेश॥
Durvaro dehamoho yadi punaradhuna tarhi nishshesharogan hritva bhaktim dradhishtham kuru tava padapankeruhe pankajaksha, nunam nanabhavante samadhigatamimam muktidam vipradeham kshudre ha hanta ma ma kshipa vishayarase pahi mam marutesha.
अगर अब भी शरीर का मोह रोका नहीं जा सकता, तो हे कमलनयन, मेरे सारे रोग हरकर अपने चरण कमलों में मेरी भक्ति को सबसे दृढ़ कर दीजिए। अनेक जन्मों के बाद मिले मोक्ष देने वाले इस ब्राह्मण शरीर को, हाय, तुच्छ विषय सुखों में मत फेंकिए। हे गुरुवायुर के स्वामी, मेरी रक्षा कीजिए।