नारायणीयम् · दशक 92

Narayaneeyam: Dashakam 92

स्तोत्र · संस्कृत · कृष्ण · मेल्पत्तूर् नारायण भट्टतिरि

वेदैस्सर्वाणि कर्माण्यफलपरतया वर्णितानीति बुद्ध्वा तानि त्वय्यर्पितान्येव हि समनुचरन् यानि नैष्कर्म्यमीश।
मा भूद्वेदैर्निषिद्धे कुहचिदपि मनःकर्मवाचां प्रवृत्तिर्दुर्वर्जञ्चेदवाप्तं तदपि खलु भवत्यर्पये चित्प्रकाशे॥
Vedaissarvani karmanyaphalaparataya varnitaniti buddhva tani tvayyarpitanyeva hi samanucharan yani naishkarmyamisha, ma bhudvedairnishiddhe kuhachidapi manahkarmavacham pravrittirdurvarjanchedavaptam tadapi khalu bhavatyarpaye chitprakashe.
हे ईश्वर, यह जानकर कि वेदों में सभी कर्म फल के लिए नहीं बताए गए हैं, मैं वही कर्म करता हूँ जो आपको अर्पित हों और बंधन से मुक्त करें। मेरे मन, कर्म और वाणी की प्रवृत्ति कभी वेद-निषिद्ध कामों में न हो; और यदि कोई न टलने वाली भूल हो जाए, तो उसे भी मैं चेतना के प्रकाश आपको अर्पित करता हूँ।
यस्त्वन्यः कर्मयोगस्तव भजनमयस्तत्र चाभीष्टमूर्तिं हृद्यां सत्त्वैकरूपां दृषदि हृदि मृदि क्वापि वा भावयित्वा।
पुष्पैर्गन्धैर्निवेद्यैरपि च विरचितैः शक्तितो भक्तिपूतैर्नित्यं वर्यां सपर्यां विदधदयि विभो त्वत्प्रसादं भजेयम्॥
Yastvanyah karmayogastava bhajanamayastatra chabhishtamurtim hridyam sattvaikarupam drishadi hridi mridi kvapi va bhavayitva, pushpairgandhairnivedyairapi cha virachitaih shaktito bhaktiputairnityam varyam saparyam vidadhadayi vibho tvatprasadam bhajeyam.
कर्मयोग का दूसरा रूप आपकी भक्ति है: अपने इष्ट के सुंदर, शुद्ध सत्त्व रूप की पत्थर, हृदय, मिट्टी या कहीं भी भावना करके, रोज़ अपनी शक्ति के अनुसार भक्ति से पवित्र फूल, गंध और नैवेद्य से उत्तम पूजा करते हुए, हे प्रभु, मैं आपकी कृपा पाऊँ।
स्त्रीशूद्रास्त्वत्कथादिश्रवणविरहिता आसतां ते दयार्हास्त्वत्पादासन्नयातान्द्विजकुलजनुषो हन्त शोचाम्यशान्तान्।
वृत्त्यर्थं ते यजन्तो बहुकथितमपि त्वामनाकर्णयन्तो दृप्ता विद्याभिजात्यैः किमु न विदधते तादृशं मा कृथा माम्॥
Strishudrastvatkathadishravanavirahita asatam te dayarhastvatpadasannayatandvijakulajanusho hanta shochamyashantan, vrittyartham te yajanto bahukathitamapi tvamanakarnayanto dripta vidyabhijatyaih kimu na vidadhate tadrisham ma kritha mam.
जिन्हें आपकी कथा सुनने का अवसर नहीं मिला, वे दया के पात्र हैं; पर मुझे उन ब्राह्मण कुल में जन्मे लोगों पर दुख होता है जो आपके चरणों के पास होकर भी अशांत हैं। केवल जीविका के लिए पूजा करते, बार-बार कही गई आपकी महिमा को अनसुना करते, विद्या और कुल के घमंड में वे क्या नहीं करते? मुझे वैसा मत बनाओ।
पापोऽयं कृष्णरामेत्यभिलपति निजं गूहितुं दुश्चरित्रं निर्लज्जस्यास्य वाचा बहुतरकथनीयानि मे विघ्नितानि।
भ्राता मे वन्ध्यशीलो भजति किल सदा विष्णुमित्थं बुधांस्ते निन्दन्त्युच्चैर्हसन्ति त्वयि निहितरतींस्तादृशं मा कृथा माम्॥
Papoyam krishnarametyabhilapati nijam guhitum dushcharitram nirlajjasyasya vacha bahutarakathaniyani me vighnitani, bhrata me vandhyashilo bhajati kila sada vishnumittham budhamste nindantyuchchairhasanti tvayi nihitaratimstadrisham ma kritha mam.
‘यह पापी अपने बुरे कर्म छिपाने के लिए कृष्ण-राम रटता है; इस बेशर्म की बातों ने मेरी सारी बातें बीच में रोक दीं’; ‘मेरा निकम्मा भाई हमेशा विष्णु को भजता है’: ऐसे लोग आप में प्रेम रखने वाले ज्ञानियों की निंदा करते और उन पर हँसते हैं। मुझे वैसा मत बनाओ।
श्वेतच्छायं कृते त्वां मुनिवरवपुषं प्रीणयन्ते तपोभिस्त्रेतायां स्रुक्स्रुवाद्यङ्कितमरुणतनुं यज्ञरूपं यजन्ते।
सेवन्ते तन्त्रमार्गैर्विलसदरिगदं द्वापरे श्यामलाङ्गं नीलं सङ्कीर्तनाद्यैरिह कलिसमये मानुषास्त्वां भजन्ते॥
Shvetachchhayam krite tvam munivaravapusham prinayante tapobhistretayam sruksruvadyankitamarunatanum yajnarupam yajante, sevante tantramargairvilasadarigadam dvapare shyamalangam nilam sankirtanadyairiha kalisamaye manushastvam bhajante.
सत्ययुग में लोग श्वेत वर्ण, मुनि रूप आपको तप से प्रसन्न करते हैं; त्रेता में स्रुक-स्रुवा से अंकित, लाल वर्ण, यज्ञ रूप आपकी पूजा करते हैं; द्वापर में चमकते चक्र और गदा वाले श्याम रूप की तंत्र मार्ग से सेवा करते हैं; और यहाँ कलियुग में लोग नीले रूप वाले आपको नाम संकीर्तन से भजते हैं।
सोऽयं कालेयकालो जयति मुररिपो यत्र सङ्कीर्तनाद्यैर्निर्यत्नैरेव मार्गैरखिलद नचिरात्त्वत्प्रसादं भजन्ते।
जातास्त्रेताकृतादावपि हि किल कलौ सम्भवं कामयन्ते दैवात्तत्रैव जातान्विषयविषरसैर्मा विभो वञ्चयास्मान्॥
Soyam kaleyakalo jayati muraripo yatra sankirtanadyairniryatnaireva margairakhilada nachirattvatprasadam bhajante, jatastretakritadavapi hi kila kalau sambhavam kamayante daivattatraiva jatanvishayavisharasairma vibho vanchayasman.
हे मुरारि, इस कलियुग की जय हो, जिसमें हे सब कुछ देने वाले, संकीर्तन जैसे बिना प्रयास के मार्गों से लोग जल्दी आपकी कृपा पा लेते हैं। सत्ययुग, त्रेता आदि में जन्मे लोग भी कलियुग में जन्म लेना चाहते हैं। हे प्रभु, सौभाग्य से यहाँ जन्मे हम लोगों को विषयों के विष रस से ठगने मत दो।
भक्तास्तावत्कलौ स्युर्द्रमिलभुवि ततो भूरिशस्तत्र चोच्चैः कावेरीं ताम्रपर्णीमनु किल कृतमालाञ्च पुण्यां प्रतीचीम्।
हा मामप्येतदन्तर्भवमपि च विभो किञ्चिदञ्चिद्रसं त्वय्याशापाशैर्निबध्य भ्रमय न भगवन् पूरय त्वन्निषेवाम्॥
Bhaktastavatkalau syurdramilabhuvi tato bhurishastatra chochchaih kaverim tamraparnimanu kila kritamalancha punyam pratichim, ha mamapyetadantarbhavamapi cha vibho kinchidanchidrasam tvayyashapashairnibadhya bhramaya na bhagavan puraya tvannishevam.
कलियुग में भक्त द्रविड़ देश में होंगे, और विशेषकर कावेरी, ताम्रपर्णी, पवित्र कृतमाला और पश्चिम की ओर बहने वाली नदी के किनारे बहुत होंगे। हे प्रभु, मैं भी यहीं जन्मा हूँ और मुझमें आपके प्रति कुछ प्रेम है; मुझे आशा के फंदों में बाँधकर मत भटकाओ, मेरी आपकी सेवा पूरी करो।
दृष्ट्वा धर्मद्रुहं तं कलिमपकरुणं प्राङ्महीक्षित्परीक्षिद्धन्तुं व्याकृष्टखड्गोऽपि न विनिहतवान् सारवेदी गुणांशात्।
त्वत्सेवाद्याशु सिध्येदसदिह न तथा त्वत्परे चैष भीरुर्यत्तु प्रागेव रोगादिभिरपहरते तत्र हा शिक्षयैनम्॥
Drishtva dharmadruham tam kalimapakarunam pranmahikshitparikshiddhantum vyakrishtakhadgopi na vinihatavan saravedi gunamshat, tvatsevadyashu sidhyedasadiha na tatha tvatpare chaisha bhiruryattu prageva rogadibhirapaharate tatra ha shikshayainam.
धर्म के द्रोही, निर्दयी कलि को देखकर राजा परीक्षित ने उसे मारने के लिए तलवार खींची, पर उसके एक गुण को जानकर नहीं मारा: इस युग में आपकी सेवा जल्दी फल देती है, बुरे विचार वैसे फल नहीं देते, और कलि आपके भक्तों से डरता है। पर जहाँ वह पहले ही रोग आदि से लोगों को खींच ले जाता है, वहाँ, हाय, उसे सबक सिखाओ।
गङ्गा गीता च गायत्र्यपि च तुलसिका गोपिकाचन्दनं तत् सालग्रामाभिपूजा परपुरुष तथैकादशी नामवर्णाः।
एतान्यष्टाप्ययत्नान्ययि कलिसमये त्वत्प्रसादप्रवृद्ध्या क्षिप्रं मुक्तिप्रदानीत्यभिदधुरृषयस्तेषु मां सज्जयेथाः॥
Ganga gita cha gayatryapi cha tulasika gopikachandanam tat salagramabhipuja parapurusha tathaikadashi namavarnah, etanyashtapyayatnanyayi kalisamaye tvatprasadapravriddhya kshipram muktipradanityabhidadhurrishayasteshu mam sajjayethah.
गंगा, गीता, गायत्री, तुलसी, गोपीचंदन, शालग्राम की पूजा, एकादशी और आपके नाम के अक्षर: ऋषियों ने कहा है कि कलियुग में ये आठ बिना प्रयास के आपकी कृपा बढ़ाकर जल्दी मोक्ष देते हैं। हे परम पुरुष, मुझे इनमें लगाए रखो।
देवर्षीणां पितॄणामपि न पुनरृणी किङ्करो वा स भूमन् योऽसौ सर्वात्मना त्वां शरणमुपगतः सर्वकृत्यानि हित्वा।
तस्योत्पन्नं विकर्माप्यखिलमपनुदस्येव चित्तस्थितस्त्वं तन्मे पापोत्थतापान्पवनपुरपते रुन्धि भक्तिं प्रणीयाः॥
Devarshinam pitrinamapi na punarrini kinkaro va sa bhuman yosau sarvatmana tvam sharanamupagatah sarvakrityani hitva, tasyotpannam vikarmapyakhilamapanudasyeva chittasthitastvam tanme papotthatapanpavanapurapate rundhi bhaktim praniyah.
हे अनंत, जो सब कर्तव्य छोड़कर पूरे मन से आपकी शरण में आ जाता है, वह देवताओं, ऋषियों और पितरों का ऋणी या सेवक नहीं रहता; उसके हृदय में बसकर आप उसके हुए गलत कर्म भी मिटा देते हैं। इसलिए हे गुरुवायुर के स्वामी, मेरे पापों से उपजे कष्ट रोको और मुझे भक्ति दो।