यमुनाष्टकम्

Yamunashtakam

स्तोत्र · संस्कृत · यमुना · वल्लभाचार्य

1. नमामि यमुनामहं सकलसिद्धिहेतुं मुदा मुरारिपदपङ्कजस्फुरदमन्दरेणूत्कटाम्।
   तटस्थनवकाननप्रकटमोदपुष्पाम्बुना सुरासुरसुपूजितस्मरपितुः श्रियं बिभ्रतीम्॥

   Namami yamunamaham sakalasiddhihetum muda muraripadapankajasphuradamandarenutkatam, tatasthanavakananaprakatamodapushpambuna surasurasupujitasmarapituh shriyam bibhratim.

   मैं प्रसन्न मन से सब सिद्धियों की कारण यमुना जी को नमन करता हूँ, जो मुरारि के चरण-कमलों की चमकती धूल से भरी हैं। किनारे के नए वनों के फूलों से सुगंधित जल से वे देवताओं और असुरों द्वारा पूजित, कामदेव के पिता श्रीकृष्ण की शोभा धारण करती हैं।

2. कलिन्दगिरिमस्तके पतदमन्दपूरोज्ज्वला विलासगमनोल्लसत्प्रकटगण्डशैलोन्नता।
   सघोषगतिदन्तुरा समधिरूढदोलोत्तमा मुकुन्दरतिवर्धिनी जयति पद्मबन्धोः सुता॥

   Kalindagirimastake patadamandapurojjvala vilasagamanollasatprakatagandashailonnata, saghoshagatidantura samadhirudhadolottama mukundarativardhini jayati padmabandhoh suta.

   सूर्य की पुत्री यमुना की जय हो, जो कलिंद पर्वत की चोटी से गिरती तेज़ धारा से चमकती हैं, लीला-भरी चाल से बड़ी-बड़ी चट्टानों पर उछलती हैं, गर्जना के साथ लहराती बहती हैं, मानो उत्तम झूले पर झूल रही हों, और मुकुंद के प्रति प्रेम बढ़ाती हैं।

3. भुवं भुवनपावनीमधिगतामनेकस्वनैः प्रियाभिरिव सेवितां शुकमयूरहंसादिभिः।
   तरङ्गभुजकङ्कणप्रकटमुक्तिकावालुकानितम्बतटसुन्दरीं नमत कृष्णतुर्यप्रियाम्॥

   Bhuvam bhuvanapavanimadhigatamanekasvanaih priyabhiriva sevitam shukamayurahamsadibhih, tarangabhujakankanaprakatamuktikavalukanitambatatasundarim namata krishnaturyapriyam.

   श्रीकृष्ण की चौथी प्रिया यमुना जी को नमन करो, जो संसार को पवित्र करने धरती पर आईं, जिनकी सेवा तोते, मोर, हंस आदि सखियों की तरह तरह-तरह की आवाज़ों से करते हैं, और जो लहरों रूपी कंगन-भरी भुजाओं और मोतियों जैसी रेत वाले तटों से सुंदर हैं।

4. अनन्तगुणभूषिते शिवविरञ्चिदेवस्तुते घनाघननिभे सदा ध्रुवपराशराभीष्टदे।
   विशुद्धमथुरातटे सकलगोपगोपीवृते कृपाजलधिसंश्रिते मम मनः सुखं भावय॥

   Anantagunabhushite shivaviranchidevastute ghanaghananibhe sada dhruvaparasharabhishtade, vishuddhamathuratate sakalagopagopivrite kripajaladhisamshrite mama manah sukham bhavaya.

   हे अनंत गुणों से सजी, शिव, ब्रह्मा और देवताओं द्वारा पूजित, घने बादलों जैसी साँवली, ध्रुव और पराशर की इच्छाएँ सदा पूरी करने वाली, जिनके तट पर पवित्र मथुरा है, जो सब ग्वालों और गोपियों से घिरी हैं और करुणासागर कृष्ण के आश्रय में हैं: मेरे मन को सुख दो।

5. यया चरणपद्मजा मुररिपोः प्रियम्भावुका समागमनतोऽभवत्सकलसिद्धिदा सेवताम्।
   तया सदृशतामियात्कमलजा सपत्नीव यद्धरिप्रियकलिन्दया मनसि मे सदा स्थीयताम्॥

   Yaya charanapadmaja muraripoh priyambhavuka samagamanatobhavatsakalasiddhida sevatam, taya sadrishatamiyatkamalaja sapatniva yaddharipriyakalindaya manasi me sada sthiyatam.

   मुरारि के चरण-कमलों से निकली गंगा तुम्हारे संगम से ही उनकी प्रिय बनीं और सेवा करने वालों को सब सिद्धियाँ देने लगीं। केवल लक्ष्मी ही सौत की तरह तुम्हारी बराबरी कर सकती हैं। हे हरि-प्रिया कालिंदी, तुम सदा मेरे मन में रहो।

6. नमोऽस्तु यमुने सदा तव चरित्रमत्यद्भुतं न जातु यमयातना भवति ते पयःपानतः।
   यमोऽपि भगिनीसुतान्कथमु हन्ति दुष्टानपि प्रियो भवति सेवनात्तव हरेर्यथा गोपिकाः॥

   Namostu yamune sada tava charitramatyadbhutam na jatu yamayatana bhavati te payahpanatah, yamopi bhaginisutankathamu hanti dushtanapi priyo bhavati sevanattava hareryatha gopikah.

   हे यमुना, तुम्हें सदा नमस्कार; तुम्हारा चरित्र अत्यंत अद्भुत है। तुम्हारा जल पीने से कभी यम की यातना नहीं होती; यम अपनी बहन के बच्चों को, चाहे वे दुष्ट हों, कैसे मार सकते हैं? तुम्हारी सेवा से व्यक्ति हरि का वैसा ही प्रिय बनता है जैसे गोपियाँ थीं।

7. ममास्तु तव सन्निधौ तनुनवत्वमेतावता न दुर्लभतमा रतिर्मुररिपौ मुकुन्दप्रिये।
   अतोऽस्तु तव लालना सुरधुनी परं सङ्गमात्तवैव भुवि कीर्तिता न तु कदापि पुष्टिस्थितैः॥

   Mamastu tava sannidhau tanunavatvametavata na durlabhatama ratirmuraripau mukundapriye, atostu tava lalana suradhuni param sangamattavaiva bhuvi kirtita na tu kadapi pushtisthitaih.

   हे मुकुंद-प्रिया, तुम्हारे सान्निध्य में मुझे नया शरीर मिले; इतने से ही मुरारि में प्रेम पाना दुर्लभ नहीं रहता। इसलिए तुम्हारा लाड़ हो। धरती पर गंगा की कीर्ति भी तुम्हारे संगम से ही है, और पुष्टिमार्ग पर चलने वाले उन्हें तुम्हारे बिना कभी नहीं सराहते।

8. स्तुतिं तव करोति कः कमलजासपत्नि प्रिये हरेर्यदनुसेवया भवति सौख्यमामोक्षतः।
   इयं तव कथाधिका सकलगोपिकासङ्गमस्मरश्रमजलाणुभिः सकलगात्रजैः सङ्गमः॥

   Stutim tava karoti kah kamalajasapatni priye hareryadanusevaya bhavati saukhyamamokshatah, iyam tava kathadhika sakalagopikasangamasmarashramajalanubhih sakalagatrajaih sangamah.

   हे हरि की प्रिया, लक्ष्मी की सौत, तुम्हारी स्तुति कौन कर सकता है? हरि की सेवा से मोक्ष तक का सुख मिलता है, पर तुम्हारी महिमा उससे भी बढ़कर है, क्योंकि सब गोपियों के साथ श्रीकृष्ण की प्रेम-लीला के पसीने की बूँदें तुम्हारे जल में मिलीं।

9. तवाष्टकमिदं मुदा पठति सूरसूते सदा समस्तदुरितक्षयो भवति वै मुकुन्दे रतिः।
   तया सकलसिद्धयो मुररिपुश्च सन्तुष्यति स्वभावविजयो भवेद्वदति वल्लभः श्रीहरेः॥

   Tavashtakamidam muda pathati surasute sada samastaduritakshayo bhavati vai mukunde ratih, taya sakalasiddhayo muraripushcha santushyati svabhavavijayo bhavedvadati vallabhah shrihareh.

   हे सूर्य-पुत्री, जो इस अष्टक का सदा प्रसन्नता से पाठ करता है, उसके सब पाप नष्ट होते हैं और मुकुंद में प्रेम होता है; उस प्रेम से सब सिद्धियाँ मिलती हैं, मुरारि प्रसन्न होते हैं और अपने स्वभाव पर विजय मिलती है। श्रीहरि के प्रिय वल्लभ ऐसा कहते हैं।