Narayaneeyam: Dashakam 84
নারাযণীযম্ · দশক 84
The Sanskrit text in Bengali script. The Roman line and the meaning are the same as in the original.
ক্বচিদথ তপনোপরাগকালে পুরি নিদধত্কৃতবর্মকামসূনূ।
যদুকুলমহিলাবৃতঃ সুতীর্থং সমুপগতোঽসি সমন্তপঞ্চকাখ্যম্॥Kvachidatha tapanoparagakale puri nidadhatkritavarmakamasunu, yadukulamahilavritah sutirtham samupagatosi samantapanchakakhyam.
Then once, at the time of a solar eclipse, leaving Kritavarma and Aniruddha in the city, you went with the women of the Yadu clan to the holy place called Samantapanchaka.
বহুতরজনতাহিতায তত্র ত্বমপি পুনর্বিনিমজ্জ্য তীর্থতোযম্।
দ্বিজগণপরিমুক্তবিত্তরাশিঃ সমমিলথাঃ কুরুপাণ্ডবাদিমিত্রৈঃ॥Bahutarajanatahitaya tatra tvamapi punarvinimajjya tirthatoyam, dvijaganaparimuktavittarashih samamilathah kurupandavadimitraih.
There, for the good of the people, you too bathed in the sacred water, gave heaps of wealth to the Brahmins, and met your friends, the Kurus, the Pandavas and others.
তব খলু দযিতাজনৈঃ সমেতা দ্রুপদসুতা ত্বযি গাঢভক্তিভারা।
তদুদিতভবদাহৃতিপ্রকারৈরতিমুমুদে সমমন্যভামিনীভিঃ॥Tava khalu dayitajanaih sameta drupadasuta tvayi gadhabhaktibhara, taduditabhavadahritiprakarairatimumude samamanyabhaminibhih.
Draupadi, deeply devoted to you, met your queens and, with the other women, was delighted to hear from them how you had won each of them.
তদনু চ ভগবন্ নিরীক্ষ্য গোপানতিকুতুকাদুপগম্য মানযিত্বা।
চিরতরবিরহাতুরাঙ্গরেখাঃ পশুপবধূঃ সরসং ত্বমন্বযাসীঃ॥Tadanu cha bhagavan nirikshya gopanatikutukadupagamya manayitva, chirataravirahaturangarekhah pashupavadhuh sarasam tvamanvayasih.
Then, Lord, seeing the cowherds, you hurried to them eagerly and honoured them, and lovingly sought out the cowherd women, grown thin from long separation.
সপদি চ ভবদীক্ষণোত্সবেন প্রমুষিতমানহৃদাং নিতম্বিনীনাম্।
অতিরসপরিমুক্তকঞ্চুলীকে পরিচযহৃদ্যতরে কুচে ন্যলৈষীঃ॥Sapadi cha bhavadikshanotsavena pramushitamanahridam nitambininam, atirasaparimuktakanchulike parichayahridyatare kuche nyalaishih.
At once, as the joy of seeing you swept away the hurt pride in their hearts, you held them close to your heart with overflowing love.
রিপুজনকলহৈঃ পুনঃ পুনর্মে সমুপগতৈরিযতী বিলম্বনাভূৎ।
ইতি কৃতপরিরম্ভণে ত্বযি দ্রাগতিবিবশা খলু রাধিকা নিলিল্যে॥Ripujanakalahaih punah punarme samupagatairiyati vilambanabhut, iti kritaparirambhane tvayi dragativivasha khalu radhika nililye.
‘Battles with enemies, one after another, caused this long delay,’ you said as you embraced her, and Radha, overwhelmed, melted into your arms.
অপগতবিরহব্যথাস্তদা তা রহসি বিধায দদাথ তত্ত্ববোধম্।
পরমসুখচিদাত্মকোঽহমাত্মেত্যুদযতু বঃ স্ফুটমেব চেতসীতি॥Apagatavirahavyathastada ta rahasi vidhaya dadatha tattvabodham, paramasukhachidatmakohamatmetyudayatu vah sphutameva chetasiti.
When their pain of separation had gone, you took them aside and taught them the truth: ‘May it shine clearly in your minds that I am the Self, made of supreme joy and consciousness.’
সুখরসপরিমিশ্রিতো বিযোগঃ কিমপি পুরাভবদুদ্ধবোপদেশৈঃ।
সমভবদমুতঃ পরং তু তাসাং পরমসুখৈক্যমযী ভবদ্বিচিন্তা॥Sukharasaparimishrito viyogah kimapi purabhavaduddhavopadeshaih, samabhavadamutah param tu tasam paramasukhaikyamayi bhavadvichinta.
Before, through Uddhava’s teaching, their separation had been touched with some sweetness; but from then on, their thoughts of you became the supreme joy of oneness.
মুনিবরনিবহৈস্তবাথ পিত্রা দুরিতশমায শুভানি পৃচ্ছ্যমানৈঃ।
ত্বযি সতি কিমিদং শুভান্তরৈরিত্যুরুহসিতৈরপি যাজিতস্তদাসৌ॥Munivaranivahaistavatha pitra duritashamaya shubhani prichchhyamanaih, tvayi sati kimidam shubhantarairityuruhasitairapi yajitastadasau.
Your father asked the great sages for rites to remove sin; they laughed heartily, ‘With him beside you, why seek other blessings?’ Even so, they had him perform a sacrifice.
সুমহতি যজনে বিতাযমানে প্রমুদিতমিত্রজনে সহৈব গোপাঃ।
যদুজনমহিতাস্ত্রিমাসমাত্রং ভবদনুষঙ্গরসং পুরেব ভেজুঃ॥Sumahati yajane vitayamane pramuditamitrajane sahaiva gopah, yadujanamahitastrimasamatram bhavadanushangarasam pureva bhejuh.
As the great sacrifice went on and friends rejoiced, the cowherds too, honoured by the Yadavas, enjoyed your company for three months, just as before.
ব্যপগমসমযে সমেত্য রাধাং দৃঢমুপগূহ্য নিরীক্ষ্য বীতখেদাম্।
প্রমুদিতহৃদযঃ পুরং প্রযাতঃ পবনপুরেশ্বর পাহি মাং গদেভ্যঃ॥Vyapagamasamaye sametya radham dridhamupaguhya nirikshya vitakhedam, pramuditahridayah puram prayatah pavanapureshvara pahi mam gadebhyah.
At parting, you went to Radha, held her tightly, saw her free of sorrow, and went back to your city with a happy heart. O Lord of Guruvayur, protect me from illness.