Narayaneeyam: Dashakam 84
ನಾರಾಯಣೀಯಮ್ · ದಶಕ 84
The Sanskrit text in Kannada script. The Roman line and the meaning are the same as in the original.
ಕ್ವಚಿದಥ ತಪನೋಪರಾಗಕಾಲೇ ಪುರಿ ನಿದಧತ್ಕೃತವರ್ಮಕಾಮಸೂನೂ।
ಯದುಕುಲಮಹಿಲಾವೃತಃ ಸುತೀರ್ಥಂ ಸಮುಪಗತೋಽಸಿ ಸಮನ್ತಪಞ್ಚಕಾಖ್ಯಮ್॥Kvachidatha tapanoparagakale puri nidadhatkritavarmakamasunu, yadukulamahilavritah sutirtham samupagatosi samantapanchakakhyam.
Then once, at the time of a solar eclipse, leaving Kritavarma and Aniruddha in the city, you went with the women of the Yadu clan to the holy place called Samantapanchaka.
ಬಹುತರಜನತಾಹಿತಾಯ ತತ್ರ ತ್ವಮಪಿ ಪುನರ್ವಿನಿಮಜ್ಜ್ಯ ತೀರ್ಥತೋಯಮ್।
ದ್ವಿಜಗಣಪರಿಮುಕ್ತವಿತ್ತರಾಶಿಃ ಸಮಮಿಲಥಾಃ ಕುರುಪಾಣ್ಡವಾದಿಮಿತ್ರೈಃ॥Bahutarajanatahitaya tatra tvamapi punarvinimajjya tirthatoyam, dvijaganaparimuktavittarashih samamilathah kurupandavadimitraih.
There, for the good of the people, you too bathed in the sacred water, gave heaps of wealth to the Brahmins, and met your friends, the Kurus, the Pandavas and others.
ತವ ಖಲು ದಯಿತಾಜನೈಃ ಸಮೇತಾ ದ್ರುಪದಸುತಾ ತ್ವಯಿ ಗಾಢಭಕ್ತಿಭಾರಾ।
ತದುದಿತಭವದಾಹೃತಿಪ್ರಕಾರೈರತಿಮುಮುದೇ ಸಮಮನ್ಯಭಾಮಿನೀಭಿಃ॥Tava khalu dayitajanaih sameta drupadasuta tvayi gadhabhaktibhara, taduditabhavadahritiprakarairatimumude samamanyabhaminibhih.
Draupadi, deeply devoted to you, met your queens and, with the other women, was delighted to hear from them how you had won each of them.
ತದನು ಚ ಭಗವನ್ ನಿರೀಕ್ಷ್ಯ ಗೋಪಾನತಿಕುತುಕಾದುಪಗಮ್ಯ ಮಾನಯಿತ್ವಾ।
ಚಿರತರವಿರಹಾತುರಾಙ್ಗರೇಖಾಃ ಪಶುಪವಧೂಃ ಸರಸಂ ತ್ವಮನ್ವಯಾಸೀಃ॥Tadanu cha bhagavan nirikshya gopanatikutukadupagamya manayitva, chirataravirahaturangarekhah pashupavadhuh sarasam tvamanvayasih.
Then, Lord, seeing the cowherds, you hurried to them eagerly and honoured them, and lovingly sought out the cowherd women, grown thin from long separation.
ಸಪದಿ ಚ ಭವದೀಕ್ಷಣೋತ್ಸವೇನ ಪ್ರಮುಷಿತಮಾನಹೃದಾಂ ನಿತಮ್ಬಿನೀನಾಮ್।
ಅತಿರಸಪರಿಮುಕ್ತಕಞ್ಚುಲೀಕೇ ಪರಿಚಯಹೃದ್ಯತರೇ ಕುಚೇ ನ್ಯಲೈಷೀಃ॥Sapadi cha bhavadikshanotsavena pramushitamanahridam nitambininam, atirasaparimuktakanchulike parichayahridyatare kuche nyalaishih.
At once, as the joy of seeing you swept away the hurt pride in their hearts, you held them close to your heart with overflowing love.
ರಿಪುಜನಕಲಹೈಃ ಪುನಃ ಪುನರ್ಮೇ ಸಮುಪಗತೈರಿಯತೀ ವಿಲಮ್ಬನಾಭೂತ್।
ಇತಿ ಕೃತಪರಿರಮ್ಭಣೇ ತ್ವಯಿ ದ್ರಾಗತಿವಿವಶಾ ಖಲು ರಾಧಿಕಾ ನಿಲಿಲ್ಯೇ॥Ripujanakalahaih punah punarme samupagatairiyati vilambanabhut, iti kritaparirambhane tvayi dragativivasha khalu radhika nililye.
‘Battles with enemies, one after another, caused this long delay,’ you said as you embraced her, and Radha, overwhelmed, melted into your arms.
ಅಪಗತವಿರಹವ್ಯಥಾಸ್ತದಾ ತಾ ರಹಸಿ ವಿಧಾಯ ದದಾಥ ತತ್ತ್ವಬೋಧಮ್।
ಪರಮಸುಖಚಿದಾತ್ಮಕೋಽಹಮಾತ್ಮೇತ್ಯುದಯತು ವಃ ಸ್ಫುಟಮೇವ ಚೇತಸೀತಿ॥Apagatavirahavyathastada ta rahasi vidhaya dadatha tattvabodham, paramasukhachidatmakohamatmetyudayatu vah sphutameva chetasiti.
When their pain of separation had gone, you took them aside and taught them the truth: ‘May it shine clearly in your minds that I am the Self, made of supreme joy and consciousness.’
ಸುಖರಸಪರಿಮಿಶ್ರಿತೋ ವಿಯೋಗಃ ಕಿಮಪಿ ಪುರಾಭವದುದ್ಧವೋಪದೇಶೈಃ।
ಸಮಭವದಮುತಃ ಪರಂ ತು ತಾಸಾಂ ಪರಮಸುಖೈಕ್ಯಮಯೀ ಭವದ್ವಿಚಿನ್ತಾ॥Sukharasaparimishrito viyogah kimapi purabhavaduddhavopadeshaih, samabhavadamutah param tu tasam paramasukhaikyamayi bhavadvichinta.
Before, through Uddhava’s teaching, their separation had been touched with some sweetness; but from then on, their thoughts of you became the supreme joy of oneness.
ಮುನಿವರನಿವಹೈಸ್ತವಾಥ ಪಿತ್ರಾ ದುರಿತಶಮಾಯ ಶುಭಾನಿ ಪೃಚ್ಛ್ಯಮಾನೈಃ।
ತ್ವಯಿ ಸತಿ ಕಿಮಿದಂ ಶುಭಾನ್ತರೈರಿತ್ಯುರುಹಸಿತೈರಪಿ ಯಾಜಿತಸ್ತದಾಸೌ॥Munivaranivahaistavatha pitra duritashamaya shubhani prichchhyamanaih, tvayi sati kimidam shubhantarairityuruhasitairapi yajitastadasau.
Your father asked the great sages for rites to remove sin; they laughed heartily, ‘With him beside you, why seek other blessings?’ Even so, they had him perform a sacrifice.
ಸುಮಹತಿ ಯಜನೇ ವಿತಾಯಮಾನೇ ಪ್ರಮುದಿತಮಿತ್ರಜನೇ ಸಹೈವ ಗೋಪಾಃ।
ಯದುಜನಮಹಿತಾಸ್ತ್ರಿಮಾಸಮಾತ್ರಂ ಭವದನುಷಙ್ಗರಸಂ ಪುರೇವ ಭೇಜುಃ॥Sumahati yajane vitayamane pramuditamitrajane sahaiva gopah, yadujanamahitastrimasamatram bhavadanushangarasam pureva bhejuh.
As the great sacrifice went on and friends rejoiced, the cowherds too, honoured by the Yadavas, enjoyed your company for three months, just as before.
ವ್ಯಪಗಮಸಮಯೇ ಸಮೇತ್ಯ ರಾಧಾಂ ದೃಢಮುಪಗೂಹ್ಯ ನಿರೀಕ್ಷ್ಯ ವೀತಖೇದಾಮ್।
ಪ್ರಮುದಿತಹೃದಯಃ ಪುರಂ ಪ್ರಯಾತಃ ಪವನಪುರೇಶ್ವರ ಪಾಹಿ ಮಾಂ ಗದೇಭ್ಯಃ॥Vyapagamasamaye sametya radham dridhamupaguhya nirikshya vitakhedam, pramuditahridayah puram prayatah pavanapureshvara pahi mam gadebhyah.
At parting, you went to Radha, held her tightly, saw her free of sorrow, and went back to your city with a happy heart. O Lord of Guruvayur, protect me from illness.