नारायणीयम् · दशक 15

Narayaneeyam: Dashakam 15

स्तोत्र · संस्कृत · कृष्ण · मेल्पत्तूर् नारायण भट्टतिरि

मतिरिह गुणसक्ता बन्धकृत्तेष्वसक्ता त्वमृतकृदुपरुन्धे भक्तियोगस्तु सक्तिम्।
महदनुगमलभ्या भक्तिरेवात्र साध्या कपिलतनुरिति त्वं देवहूत्यै न्यगादीः॥
Matiriha gunasakta bandhakritteshvasakta tvamritakriduparundhe bhaktiyogastu saktim, mahadanugamalabhya bhaktirevatra sadhya kapilatanuriti tvam devahutyai nyagadih.
‘गुणों में आसक्त मन बंधन देता है, और उनसे अनासक्त मन अमरता देता है। भक्तियोग आसक्ति को रोकता है, और महापुरुषों के अनुसरण से मिलने वाली भक्ति ही यहाँ पाने योग्य है।’ कपिल रूप में आपने देवहूति को ऐसा उपदेश दिया।
प्रकृतिमहदहङ्काराश्च मात्राश्च भूतान्यपि हृदपि दशाक्षी पूरुषः पञ्चविंशः।
इति विदितविभागो मुच्यतेऽसौ प्रकृत्या कपिलतनुरिति त्वं देवहूत्यै न्यगादीः॥
Prakritimahadahankarashcha matrashcha bhutanyapi hridapi dashakshi purushah panchavimshah, iti viditavibhago muchyatesau prakritya kapilatanuriti tvam devahutyai nyagadih.
‘प्रकृति, महत्, अहंकार, तन्मात्राएँ, पंचभूत, मन, दस इन्द्रियाँ और पच्चीसवाँ पुरुष: इन भेदों को जानने वाला प्रकृति से मुक्त हो जाता है।’ कपिल रूप में आपने देवहूति को ऐसा उपदेश दिया।
प्रकृतिगतगुणौघैर्नाज्यते पूरुषोऽयं यदि तु सजति तस्यां तद्गुणास्तं भजेरन्।
मदनुभजनतत्त्वालोचनैः साप्यपेयात् कपिलतनुरिति त्वं देवहूत्यै न्यगादीः॥
Prakritigatagunaughairnajyate purushoyam yadi tu sajati tasyam tadgunastam bhajeran, madanubhajanatattvalochanaih sapyapeyat kapilatanuriti tvam devahutyai nyagadih.
‘प्रकृति के गुण इस पुरुष को नहीं छूते; पर यदि वह प्रकृति में आसक्त हो, तो वे गुण उसे जकड़ लेते हैं। मेरी भक्ति और तत्त्व के विचार से वह बंधन भी छूट जाता है।’ कपिल रूप में आपने देवहूति को ऐसा उपदेश दिया।
विमलमतिरुपात्तैरासनाद्यैर्मदङ्गं गरुडसमधिरूढं दिव्यभूषायुधाङ्कम्।
रुचितुलिततमालं शीलयेतानुवेलं कपिलतनुरिति त्वं देवहूत्यै न्यगादीः॥
Vimalamatirupattairasanadyairmadangam garudasamadhirudham divyabhushayudhankam, ruchitulitatamalam shilayetanuvelam kapilatanuriti tvam devahutyai nyagadih.
‘निर्मल मन से आसन आदि साधनों द्वारा मेरे रूप का निरंतर ध्यान करना चाहिए: गरुड़ पर बैठा, दिव्य आभूषणों और अस्त्रों से सजा, तमाल वृक्ष जैसी श्याम कांति वाला।’ कपिल रूप में आपने देवहूति को ऐसा उपदेश दिया।
मम गुणगणलीलाकर्णनैः कीर्तनाद्यैः मयि सुरसरिदोघप्रख्यचित्तानुवृत्तिः।
भवति परमभक्तिः सा हि मृत्योर्विजेत्री कपिलतनुरिति त्वं देवहूत्यै न्यगादीः॥
Mama gunaganalilakarnanaih kirtanadyaih mayi surasaridoghaprakhyachittanuvrittih, bhavati paramabhaktih sa hi mrityorvijetri kapilatanuriti tvam devahutyai nyagadih.
‘मेरे गुणों और लीलाओं को सुनने, उनका कीर्तन करने आदि से मन गंगा की धारा की तरह मेरी ओर बहता है। यही परम भक्ति है, जो मृत्यु को जीत लेती है।’ कपिल रूप में आपने देवहूति को ऐसा उपदेश दिया।
अहह बहुलहिंसासञ्चितार्थैः कुटुम्बं प्रतिदिनमनुपुष्णन् स्त्रीजितो बाललाली।
विशति हि गृहसक्तो यातनां मय्यभक्तः कपिलतनुरिति त्वं देवहूत्यै न्यगादीः॥
Ahaha bahulahimsasanchitarthaih kutumbam pratidinamanupushnan strijito balalali, vishati hi grihasakto yatanam mayyabhaktah kapilatanuriti tvam devahutyai nyagadih.
‘हाय, जो घर में आसक्त होकर बहुत हिंसा से कमाए धन से रोज़ परिवार पालता है, पत्नी के वश में और बच्चों के लाड़ में रहता है, और मेरी भक्ति नहीं करता, वह यातना में पड़ता है।’ कपिल रूप में आपने देवहूति को ऐसा उपदेश दिया।
युवतिजठरखिन्नो जातबोधोऽप्यकाण्डे प्रसवगलितबोधः पीडयोल्लङ्घ्य बाल्यम्।
पुनरपि बत मुह्यत्येव तारुण्यकाले कपिलतनुरिति त्वं देवहूत्यै न्यगादीः॥
Yuvatijatharakhinno jatabodhopyakande prasavagalitabodhah pidayollanghya balyam, punarapi bata muhyatyeva tarunyakale kapilatanuriti tvam devahutyai nyagadih.
‘माँ के गर्भ में कष्ट पाता हुआ वह थोड़ी देर को ज्ञान पाता है, जन्म के समय उसे खो देता है, पीड़ा में बचपन पार करता है, और फिर, हाय, जवानी में दोबारा मोह में पड़ जाता है।’ कपिल रूप में आपने देवहूति को ऐसा उपदेश दिया।
पितृसुरगणयाजी धार्मिको यो गृहस्थः स च निपतति काले दक्षिणाध्वोपगामी।
मयि निहितमकामं कर्म तूदक्पथार्थं कपिलतनुरिति त्वं देवहूत्यै न्यगादीः॥
Pitrisuraganayaji dharmiko yo grihasthah sa cha nipatati kale dakshinadhvopagami, mayi nihitamakamam karma tudakpathartham kapilatanuriti tvam devahutyai nyagadih.
‘पितरों और देवताओं की पूजा करने वाला धार्मिक गृहस्थ भी समय आने पर दक्षिण मार्ग से जाकर फिर नीचे आता है; पर बिना कामना के मुझे अर्पित कर्म उत्तर मार्ग की ओर ले जाता है।’ कपिल रूप में आपने देवहूति को ऐसा उपदेश दिया।
इति सुविदितवेद्यां देव हे देवहूतिं कृतनुतिमनुगृह्य त्वं गतो योगिसङ्घैः।
विमलमतिरथाऽसौ भक्तियोगेन मुक्ता त्वमपि जनहितार्थं वर्तसे प्रागुदीच्याम्॥
Iti suviditavedyam deva he devahutim kritanutimanugrihya tvam gato yogisanghaih, vimalamatirathasau bhaktiyogena mukta tvamapi janahitartham vartase pragudichyam.
हे देव, इस प्रकार जानने योग्य को जान चुकी और आपकी स्तुति करती देवहूति पर कृपा करके आप योगियों के समूह के साथ चले गए। निर्मल मन वाली वह भक्तियोग से मुक्त हो गईं, और आप भी लोगों के कल्याण के लिए उत्तर-पूर्व दिशा में रहते हैं।
परम किमु बहूक्त्या त्वत्पदाम्भोजभक्तिं सकलभयविनेत्रीं सर्वकामोपनेत्रीम्।
वदसि खलु दृढं त्वं तद्विधूयामयान्मे गुरुपवनपुरेश त्वय्युपाधत्स्व भक्तिम्॥
Parama kimu bahuktya tvatpadambhojabhaktim sakalabhayavinetrim sarvakamopanetrim, vadasi khalu dridham tvam tadvidhuyamayanme gurupavanapuresha tvayyupadhatsva bhaktim.
हे परम, ज़्यादा कहने से क्या? आप स्वयं दृढ़ता से कहते हैं कि आपके चरण-कमलों की भक्ति सारे भय मिटाती है और सारी कामनाएँ पूरी करती है। इसलिए हे गुरुवायुर के स्वामी, मेरे रोग दूर करके मुझमें अपनी भक्ति जगाइए।