नारायणीयम् · दशक 16

Narayaneeyam: Dashakam 16

स्तोत्र · संस्कृत · कृष्ण · मेल्पत्तूर् नारायण भट्टतिरि

दक्षो विरिञ्चतनयोऽथ मनोस्तनूजां लब्ध्वा प्रसूतिमिह षोडश चाप कन्याः।
धर्मे त्रयोदश ददौ पितृषु स्वधां च स्वाहां हविर्भुजि सतीं गिरिशे त्वदंशे॥
Daksho virinchatanayotha manostanujam labdhva prasutimiha shodasha chapa kanyah, dharme trayodasha dadau pitrishu svadham cha svaham havirbhuji satim girishe tvadamshe.
फिर ब्रह्मा के पुत्र दक्ष ने मनु की बेटी प्रसूति से विवाह किया और सोलह कन्याएँ पाईं। उन्होंने तेरह धर्म को, स्वधा पितरों को, स्वाहा हवि ग्रहण करने वाले अग्नि को और सती आपके अंश शिव को दीं।
मूर्तिर्हि धर्मगृहिणी सुषुवे भवन्तं नारायणं नरसखं महितानुभावम्।
यज्जन्मनि प्रमुदिताः कृततूर्यघोषाः पुष्पोत्करान्प्रववृषुर्नुनुवुः सुरौघाः॥
Murtirhi dharmagrihini sushuve bhavantam narayanam narasakham mahitanubhavam, yajjanmani pramuditah kritaturyaghoshah pushpotkaranpravavrishurnunuvuh suraughah.
धर्म की पत्नी मूर्ति ने आपको नर के साथी, महान प्रभाव वाले नारायण के रूप में जन्म दिया। आपके जन्म पर प्रसन्न देवताओं ने तुरही बजाई, फूल बरसाए और आपकी स्तुति की।
दैत्यं सहस्रकवचं कवचैः परीतं साहस्रवत्सरतपस्समराभिलव्यैः।
पर्यायनिर्मिततपस्समरौ भवन्तौ शिष्टैककङ्कटममुं न्यहतां सलीलम्॥
Daityam sahasrakavacham kavachaih paritam sahasravatsaratapassamarabhilavyaih, paryayanirmitatapassamarau bhavantau shishtaikakankatamamum nyahatam salilam.
सहस्रकवच नाम का दैत्य हजार कवचों से घिरा था, जिनमें से हर एक हजार वर्ष तप और फिर युद्ध करके ही टूट सकता था। बारी-बारी से तप और युद्ध करते हुए आप दोनों ने खेल-खेल में उसे मार गिराया, जब तक उसका एक ही कवच बचा।
अन्वाचरन्नुपदिशन्नपि मोक्षधर्मं त्वं भ्रातृमान् बदरिकाश्रममध्यवात्सीः।
शक्रोऽथ ते शमतपोबलनिस्सहात्मा दिव्याङ्गनापरिवृतं प्रजिघाय मारम्॥
Anvacharannupadishannapi mokshadharmam tvam bhratriman badarikashramamadhyavatsih, shakrotha te shamatapobalanissahatma divyanganaparivritam prajighaya maram.
मोक्ष धर्म का आचरण और उपदेश करते हुए आप भाई के साथ बदरिकाश्रम में रहे। तब आपकी शांति और तप की शक्ति को न सह पाने वाले इंद्र ने दिव्य अप्सराओं के साथ कामदेव को भेजा।
कामो वसन्तमलयानिलबन्धुशाली कान्ताकटाक्षविशिखैर्विकसद्विलासैः।
विध्यन्मुहुर्मुहुरकम्पमुदीक्ष्य च त्वां भीतस्त्वयाथ जगदे मृदुहासभाजा॥
Kamo vasantamalayanilabandhushali kantakatakshavishikhairvikasadvilasaih, vidhyanmuhurmuhurakampamudikshya cha tvam bhitastvayatha jagade mriduhasabhaja.
वसंत और मलय पवन जैसे मित्रों के साथ कामदेव ने सुंदरियों की तिरछी नज़रों और हाव-भाव के बाण बार-बार चलाए; पर आपको अडिग देखकर वह डर गया, और तब आपने मंद मुस्कान के साथ उससे कहा।
भीत्यालमङ्गजवसन्तसुराङ्गना वो मन्मानसन्त्विह जुषध्वमिति ब्रुवाणः।
त्वं विस्मयेन परितः स्तुवतामथैषां प्रादर्शयः स्वपरिचारककातराक्षीः॥
Bhityalamangajavasantasurangana vo manmanasantviha jushadhvamiti bruvanah, tvam vismayena paritah stuvatamathaisham pradarshayah svaparicharakakatarakshih.
आपने कहा: हे काम, वसंत और देवांगनाओ, डरो मत; यहाँ मेरा आतिथ्य स्वीकार करो। फिर जब वे चारों ओर आश्चर्य से आपकी स्तुति करने लगे, तब आपने उन्हें अपनी सुंदर, कोमल नेत्रों वाली सेविकाएँ दिखाईं।
सम्मोहनाय मिलिता मदनादयस्ते त्वद्दासिकापरिमलैः किल मोहमापुः।
दत्तां त्वया च जगृहुस्त्रपयैव सर्वस्वर्वासिगर्वशमनीं पुनरुर्वशीं ताम्॥
Sammohanaya milita madanadayaste tvaddasikaparimalaih kila mohamapuh, dattam tvaya cha jagrihustrapayaiva sarvasvarvasigarvashamanim punarurvashim tam.
आपको मोहित करने आए कामदेव आदि स्वयं आपकी सेविकाओं की सुगंध से मोहित हो गए; और लज्जा के साथ उन्होंने आपकी दी हुई उर्वशी को स्वीकार किया, जिसने स्वर्ग के सब निवासियों का घमंड तोड़ दिया।
दृष्ट्वोर्वशीं तव कथां च निशम्य शक्रः पर्याकुलोऽजनि भवन्महिमावमर्शात्।
एवं प्रशान्तरमणीयतरोऽवतारस्त्वत्तोऽधिको वरद कृष्णतनुस्त्वमेव॥
Drishtvorvashim tava katham cha nishamya shakrah paryakulojani bhavanmahimavamarshat, evam prashantaramaniyatarovatarastvattodhiko varada krishnatanustvameva.
उर्वशी को देखकर और आपकी कथा सुनकर आपकी महिमा का विचार करते हुए इंद्र घबरा गए। ऐसा शांत और मनोहर था यह अवतार; हे वरद, इससे बढ़कर केवल कृष्ण रूप में आप स्वयं हैं।
दक्षस्तु धातुरतिलालनया रजोऽन्धो नात्यादृतस्त्वयि च कष्टमशान्तिरासीत्।
येन व्यरुन्ध स भवत्तनुमेव शर्वं यज्ञे च वैरपिशुने स्वसुतां व्यमानीत्॥
Dakshastu dhaturatilalanaya rajondho natyadritastvayi cha kashtamashantirasit, yena vyarundha sa bhavattanumeva sharvam yajne cha vairapishune svasutam vyamanit.
पर ब्रह्मा के अधिक लाड़ से रजोगुण में अंधे दक्ष ने आपका आदर नहीं किया, और हाय, अशांति हो गई; उसने आपके ही स्वरूप शिव का विरोध किया और बैर से भरे यज्ञ में अपनी ही बेटी का अपमान किया।
क्रुद्धे शमर्दितमखः स तु कृत्तशीर्षो देवप्रसादितहरादथ लब्धजीवः।
त्वत्पूरितक्रतुवरः पुनराप शान्तिं स त्वं प्रशान्तिकर पाहि मरुत्पुरेश॥
Kruddhe shamarditamakhah sa tu krittashirsho devaprasaditaharadatha labdhajivah, tvatpuritakratuvarah punarapa shantim sa tvam prashantikara pahi marutpuresha.
शिव के क्रोधित होने पर यज्ञ नष्ट हुआ और दक्ष का सिर कट गया; फिर देवताओं द्वारा प्रसन्न किए गए शिव से उसे जीवन मिला, और आपके द्वारा पूरे किए यज्ञ से उसने फिर शांति पाई। हे शांति देने वाले, गुरुवायुर के स्वामी, मेरी रक्षा कीजिए।