नारायणीयम् · दशक 47

Narayaneeyam: Dashakam 47

स्तोत्र · संस्कृत · कृष्ण · मेल्पत्तूर् नारायण भट्टतिरि

एकदा दधिविमाथकारिणीं मातरं समुपसेदिवान् भवान्।
स्तन्यलोलुपतया निवारयन्नङ्कमेत्य पपिवान्पयोधरौ॥
Ekada dadhivimathakarinim mataram samupasedivan bhavan, stanyalolupataya nivarayannankametya papivanpayodharau.
एक दिन आप दही मथती हुई माँ के पास आए। दूध पीने की इच्छा से आपने उन्हें रोका और गोद में चढ़कर स्तनपान करने लगे।
अर्धपीतकुचकुड्मले त्वयि स्निग्धहासमधुराननाम्बुजे।
दुग्धमीश दहने परिस्रुतं धर्तुमाशु जननी जगाम ते॥
Ardhapitakuchakudmale tvayi snigdhahasamadhurananambuje, dugdhamisha dahane parisrutam dhartumashu janani jagama te.
हे ईश, आप आधा ही पी पाए थे और आपका कमल मुख मीठी मुस्कान से भरा था, कि आपकी माँ आग पर उफनते दूध को सँभालने जल्दी से चली गईं।
सामिपीतरसभङ्गसङ्गतक्रोधभारपरिभूतचेतसा।
मन्थदण्डमुपगृह्य पाटितं हन्त देव दधिभाजनं त्वया॥
Samipitarasabhangasangatakrodhabharaparibhutachetasa, manthadandamupagrihya patitam hanta deva dadhibhajanam tvaya.
आधे पिए रस के टूट जाने से क्रोध में भरकर, हे देव, आपने मथानी उठाकर दही का बर्तन फोड़ दिया!
उच्चलद्ध्वनितमुच्चकैस्तदा सन्निशम्य जननी समाद्रुता।
त्वद्यशोविसरवद्ददर्श सा सद्य एव दधि विस्तृतं क्षितौ॥
Uchchaladdhvanitamuchchakaistada sannishamya janani samadruta, tvadyashovisaravaddadarsha sa sadya eva dadhi vistritam kshitau.
ज़ोर की आवाज़ सुनकर माँ दौड़ी आईं और उन्होंने देखा कि दही आपके फैलते यश की तरह धरती पर फैल गया है।
वेदमार्गपरिमार्गितं रुषा त्वामवीक्ष्य परिमार्गयन्त्यसौ।
सन्ददर्श सुकृतिन्युलूखले दीयमाननवनीतमोतवे॥
Vedamargaparimargitam rusha tvamavikshya parimargayantyasau, sandadarsha sukritinyulukhale diyamananavanitamotave.
जिन्हें वेद भी खोजते हैं, उन्हें न देखकर वे क्रोध से ढूँढने लगीं और आपको भाग्यशाली ओखली पर बिल्ली को मक्खन खिलाते देखा।
त्वां प्रगृह्य बत भीतिभावनाभासुराननसरोजमाशु सा।
रोषरूषितमुखी सखीपुरो बन्धनाय रशनामुपाददे॥
Tvam pragrihya bata bhitibhavanabhasurananasarojamashu sa, rosharushitamukhi sakhipuro bandhanaya rashanamupadade.
डर का भाव दिखाते चमकते कमल मुख वाले आपको उन्होंने जल्दी पकड़ लिया, और क्रोध से लाल चेहरे के साथ सखियों के सामने बाँधने के लिए रस्सी उठा ली।
बन्धुमिच्छति यमेव सज्जनस्तं भवन्तमयि बन्धुमिच्छती।
सा नियुज्य रशनागुणान्बहून् द्व्यङ्गुलोनमखिलं किलैक्षत॥
Bandhumichchhati yameva sajjanastam bhavantamayi bandhumichchhati, sa niyujya rashanagunanbahun dvyangulonamakhilam kilaikshata.
जिन्हें सज्जन अपना बंधु बनाना चाहते हैं, उन्हीं को बाँधना चाहती हुई उन्होंने कई रस्सियाँ जोड़ीं, फिर भी पूरी रस्सी हमेशा दो अंगुल छोटी पड़ी।
विस्मितोत्स्मितसखीजनेक्षितां स्विन्नसन्नवपुषं निरीक्ष्य ताम्।
नित्यमुक्तवपुरप्यहो हरे बन्धमेव कृपयान्वमन्यथाः॥
Vismitotsmitasakhijanekshitam svinnasannavapusham nirikshya tam, nityamuktavapurapyaho hare bandhameva kripayanvamanyathah.
हैरान और मुस्कुराती सखियों के सामने उन्हें पसीने से भीगी और थकी देखकर, हे हरि, सदा मुक्त होते हुए भी आपने कृपा करके बँधना स्वीकार कर लिया।
स्थीयतां चिरमुलूखले खलेत्यागता भवनमेव सा यदा।
प्रागुलूखलबिलान्तरे तदा सर्पिरर्पितमदन्नवास्थिथाः॥
Sthiyatam chiramulukhale khaletyagata bhavanameva sa yada, pragulukhalabilantare tada sarpirarpitamadannavasthithah.
“अरे नटखट, देर तक ओखली में बँधा रह!” कहकर जब वे घर के भीतर चली गईं, तब आप ओखली के गड्ढे में पहले से रखा मक्खन खाते हुए बैठे रहे।
यद्यपाशसुगमो विभो भवान् संयतः किमु सपाशयानया।
एवमादि दिविजैरभिष्टुतो वातनाथ परिपाहि मां गदात्॥
Yadyapashasugamo vibho bhavan samyatah kimu sapashayanaya, evamadi divijairabhishtuto vatanatha paripahi mam gadat.
“हे प्रभु, आप तो बंधनरहित लोगों को आसानी से मिलते हैं, फिर रस्सी वाली इस माँ ने आपको कैसे बाँध लिया?” देवताओं से इस तरह स्तुति किए गए हे गुरुवायुर के नाथ, रोग से मेरी रक्षा कीजिए।