नारायणीयम् · दशक 46

Narayaneeyam: Dashakam 46

स्तोत्र · संस्कृत · कृष्ण · मेल्पत्तूर् नारायण भट्टतिरि

अयि देव पुरा किल त्वयि स्वयमुत्तानशये स्तनन्धये।
परिजृम्भणतो व्यपावृते वदने विश्वमचष्ट वल्लवी॥
Ayi deva pura kila tvayi svayamuttanashaye stanandhaye, parijrimbhanato vyapavrite vadane vishvamachashta vallavi.
हे प्रभु, बहुत पहले जब आप पीठ के बल लेटे दूध पी रहे थे, तब आपने जम्हाई ली, और आपके खुले मुख में ग्वालिन माँ ने पूरा विश्व देख लिया।
पुनरप्यथ बालकैः समं त्वयि लीलानिरते जगत्पते।
फलसञ्चयवञ्चनक्रुधा तव मृद्भोजनमूचुरर्भकाः॥
Punarapyatha balakaih samam tvayi lilanirate jagatpate, phalasanchayavanchanakrudha tava mridbhojanamuchurarbhakah.
फिर हे जगत्पति, जब आप बालकों के साथ खेल रहे थे, तो फलों के बँटवारे में ठगे जाने से नाराज़ बच्चों ने शिकायत की कि आपने मिट्टी खाई है।
अयि ते प्रलयावधौ विभो क्षितितोयादिसमस्तभक्षिणः।
मृदुपाशनतो रुजा भवेदिति भीता जननी चुकोप सा॥
Ayi te pralayavadhau vibho kshititoyadisamastabhakshinah, mridupashanato ruja bhavediti bhita janani chukopa sa.
हे प्रभु, आप जो प्रलय में पृथ्वी, जल आदि सब कुछ निगल लेते हैं, आपकी माँ इस डर से नाराज़ हुईं कि मिट्टी खाने से आप बीमार पड़ जाएँगे।
अयि दुर्विनयात्मक त्वया किमु मृत्सा बत वत्स भक्षिता।
इति मातृगिरं चिरं विभो वितथां त्वं प्रतिजज्ञिषे हसन्॥
Ayi durvinayatmaka tvaya kimu mritsa bata vatsa bhakshita, iti matrigiram chiram vibho vitatham tvam pratijajnishe hasan.
‘अरे नटखट, बेटा, क्या सच में तूने मिट्टी खाई?’ माँ की इस बात पर हे प्रभु, आप हँसते हुए देर तक कहते रहे कि यह झूठ है।
अयि ते सकलैर्विनिश्चिते विमतिश्चेद्वदनं विदार्यताम्।
इति मातृविभर्त्सितो मुखं विकसत्पद्मनिभं व्यदारयः॥
Ayi te sakalairvinishchite vimatishchedvadanam vidaryatam, iti matrivibhartsito mukham vikasatpadmanibham vyadarayah.
‘अगर तू सबकी बात नहीं मानता, तो मुँह खोल।’ माँ की डाँट सुनकर आपने खिले कमल जैसा अपना मुख खोल दिया।
अपि मृल्लवदर्शनोत्सुकां जननीं तां बहु तर्पयन्निव।
पृथिवीं निखिलां न केवलं भुवनान्यप्यखिलान्यदीदृशः॥
Api mrillavadarshanotsukam jananim tam bahu tarpayanniva, prithivim nikhilam na kevalam bhuvananyapyakhilanyadidrishah.
मानो मिट्टी का कण देखने को उत्सुक माँ को भरपूर संतुष्ट करने के लिए आपने उन्हें केवल पूरी पृथ्वी ही नहीं, सारे लोक दिखा दिए।
कुहचिद्वनमम्बुधिः क्वचित् क्वचिदभ्रं कुहचिद्रसातलम्।
मनुजा दनुजाः क्वचित्सुरा ददृशे किं न तदा त्वदानने॥
Kuhachidvanamambudhih kvachit kvachidabhram kuhachidrasatalam, manuja danujah kvachitsura dadrishe kim na tada tvadanane.
कहीं वन, कहीं समुद्र, कहीं आकाश, कहीं पाताल; कहीं मनुष्य, कहीं दानव, कहीं देवता: उस समय आपके मुख में क्या नहीं दिखा?
कलशाम्बुधिशायिनं पुनः परवैकुण्ठपदाधिवासिनम्।
स्वपुरश्च निजार्भकात्मकं कतिधा त्वां न ददर्श सा मुखे॥
Kalashambudhishayinam punah paravaikunthapadadhivasinam, svapurashcha nijarbhakatmakam katidha tvam na dadarsha sa mukhe.
उन्होंने आपके मुख में आपको कितने ही रूपों में देखा: क्षीरसागर में शयन करते, परम वैकुंठ में निवास करते, और अपने ही घर के सामने अपने बालक के रूप में।
विकसद्भुवने मुखोदरे ननु भूयोऽपि तथाविधाननः।
अनया स्फुटमीक्षितो भवाननवस्थां जगतां बतातनोत्॥
Vikasadbhuvane mukhodare nanu bhuyopi tathavidhananah, anaya sphutamikshito bhavananavastham jagatam batatanot.
आपके मुख के भीतर, जहाँ लोक खिल रहे थे, उन्होंने स्पष्ट रूप से फिर वैसे ही मुख वाले आपको देखा; अहा, इससे लोकों के भीतर लोकों का अंतहीन क्रम प्रकट हुआ।
धृततत्त्वधियं तदा क्षणं जननीं तां प्रणयेन मोहयन्।
स्तनमम्ब दिशेत्युपासजन् भगवन्नद्भुतबाल पाहि माम्॥
Dhritatattvadhiyam tada kshanam jananim tam pranayena mohayan, stanamamba dishetyupasajan bhagavannadbhutabala pahi mam.
जब क्षण भर के लिए उन्हें तत्त्व का ज्ञान हुआ, तब आपने प्रेम से फिर माँ को मोह में डाल दिया और उनसे लिपटकर कहा, ‘माँ, दूध दो।’ हे भगवन, अद्भुत बालक, मेरी रक्षा करो।