नारायणीयम् · दशक 48

Narayaneeyam: Dashakam 48

स्तोत्र · संस्कृत · कृष्ण · मेल्पत्तूर् नारायण भट्टतिरि

मुदा सुरौघैस्त्वमुदारसम्मदैरुदीर्य दामोदर इत्यभिष्टुतः।
मृदूदरः स्वैरमुलूखले लगन्नदूरतो द्वौ ककुभावुदैक्षथाः॥
Muda suraughaistvamudarasammadairudirya damodara ityabhishtutah, mridudarah svairamulukhale lagannadurato dvau kakubhavudaikshathah.
आनंद से भरे देवगणों ने प्रसन्न होकर “दामोदर” कहकर तुम्हारी स्तुति की; कोमल पेट वाले, ओखली से बँधे, अपनी मर्ज़ी से घूमते तुमने पास ही दो अर्जुन के पेड़ देखे।
कुबेरसूनुर्नलकूबराभिधः परो मणिग्रीव इति प्रथां गतः।
महेशसेवाधिगतश्रियोन्मदौ चिरं किल त्वद्विमुखावखेलताम्॥
Kuberasunurnalakubarabhidhah paro manigriva iti pratham gatah, maheshasevadhigatashriyonmadau chiram kila tvadvimukhavakhelatam.
कुबेर के पुत्र, एक नलकूबर और दूसरा मणिग्रीव नाम से प्रसिद्ध, शिव की सेवा से मिली संपत्ति के घमंड में चूर होकर बहुत समय से तुमसे विमुख होकर मौज कर रहे थे।
सुरापगायां किल तौ मदोत्कटौ सुरापगायद्बहुयौवतावृतौ।
विवाससौ केलिपरौ स नारदो भवत्पदैकप्रवणो निरैक्षत॥
Surapagayam kila tau madotkatau surapagayadbahuyauvatavritau, vivasasau keliparau sa narado bhavatpadaikapravano niraikshata.
स्वर्ग-गंगा में नशे में चूर, मदिरा पीकर गाती बहुत-सी युवतियों से घिरे, बिना वस्त्र के खेल में मग्न उन दोनों को तुम्हारे चरणों में ही लीन नारद मुनि ने देखा।
भिया प्रियालोकमुपात्तवाससं पुरो निरीक्ष्यापि मदान्धचेतसौ।
इमौ भवद्भक्त्युपशान्तिसिद्धये मुनिर्जगौ शान्तिमृते कुतस्सुखम्॥
Bhiya priyalokamupattavasasam puro nirikshyapi madandhachetasau, imau bhavadbhaktyupashantisiddhaye munirjagau shantimrite kutassukham.
सामने मुनि को देखकर डर से स्त्रियों ने झट से वस्त्र पहन लिए, पर नशे से अंधे मन वाले वे दोनों वैसे ही रहे। तुम्हारी भक्ति से उन्हें शांति दिलाने के लिए मुनि ने शाप दिया, क्योंकि शांति के बिना सुख कहाँ?
युवामवाप्तौ ककुभात्मतां चिरं हरिं निरीक्ष्याथ पदं स्वमाप्नुतम्।
इतीरितौ तौ भवदीक्षणस्पृहां गतौ व्रजान्ते ककुभौ बभूवतुः॥
Yuvamavaptau kakubhatmatam chiram harim nirikshyatha padam svamapnutam, itiritau tau bhavadikshanaspriham gatau vrajante kakubhau babhuvatuh.
“तुम दोनों बहुत समय तक पेड़ बने रहोगे, फिर हरि के दर्शन करके अपना पद फिर पाओगे।” ऐसा कहे जाने पर वे तुम्हारे दर्शन की इच्छा लिए ब्रज के किनारे दो अर्जुन वृक्ष बन गए।
अतन्द्रमिन्द्रद्रुयुगं तथाविधं समेयुषा मन्थरगामिना त्वया।
तिरायितोलूखलरोधनिर्धुतौ चिराय जीर्णौ परिपातितौ तरू॥
Atandramindradruyugam tathavidham sameyusha mantharagamina tvaya, tirayitolukhalarodhanirdhutau chiraya jirnau paripatitau taru.
तुम धीरे-धीरे चलते हुए, बिना थके, उन दोनों पेड़ों के पास पहुँचे; पीछे घिसटती ओखली उनके बीच तिरछी अटक गई, और उसके झटके से तुमने उन पुराने पेड़ों को उखाड़कर गिरा दिया।
अभाजि शाखिद्वितयं यदा त्वया तदैव तद्गर्भतलान्निरेयुषा।
महात्विषा यक्षयुगेन तत्क्षणादभाजि गोविन्द भवानपि स्तवैः॥
Abhaji shakhidvitayam yada tvaya tadaiva tadgarbhatalannireyusha, mahatvisha yakshayugena tatkshanadabhaji govinda bhavanapi stavaih.
हे गोविंद, जैसे ही तुमने दोनों पेड़ तोड़े, उनके भीतर से बड़े तेज वाले दो यक्ष निकले और उसी क्षण उन्होंने स्तुतियों से तुम्हारी पूजा की।
इहान्यभक्तोऽपि समेष्यति क्रमाद्भवन्तमेतौ खलु रुद्रसेवकौ।
मुनिप्रसादाद्भवदङ्घ्रिमागतौ गतौ वृणानौ खलु भक्तिमुत्तमाम्॥
Ihanyabhaktopi sameshyati kramadbhavantametau khalu rudrasevakau, muniprasadadbhavadanghrimagatau gatau vrinanau khalu bhaktimuttamam.
यहाँ दिखता है कि दूसरे देवता का भक्त भी धीरे-धीरे तुम तक पहुँचता है: ये दोनों रुद्र के सेवक थे, फिर भी मुनि की कृपा से तुम्हारे चरणों तक पहुँचे और उत्तम भक्ति माँगकर चले गए।
ततस्तरूद्दारणदारुणारवप्रकम्पिसम्पातिनि गोपमण्डले।
विलज्जितत्वज्जननीमुखेक्षिणा व्यमोक्षि नन्देन भवान्विमोक्षदः॥
Tatastaruddaranadarunaravaprakampisampatini gopamandale, vilajjitatvajjananimukhekshina vyamokshi nandena bhavanvimokshadah.
तब पेड़ों के गिरने की भयंकर आवाज़ से काँपते हुए ग्वाले दौड़े आए, और नंद ने लज्जित यशोदा का मुख देखते हुए मुक्ति देने वाले तुम्हें बंधन से छुड़ाया।
महीरुहोर्मध्यगतो बतार्भको हरेः प्रभावादपरिक्षतोऽधुना।
इति ब्रुवाणैर्गमितो गृहं भवान्मरुत्पुराधीश्वर पाहि मां गदात्॥
Mahiruhormadhyagato batarbhako hareh prabhavadaparikshatodhuna, iti bruvanairgamito griham bhavanmarutpuradhishvara pahi mam gadat.
“अहा, बालक दोनों पेड़ों के बीच था, फिर भी हरि की कृपा से इसे खरोंच तक नहीं आई!” ऐसा कहते हुए वे तुम्हें घर ले गए। हे गुरुवायूर के स्वामी, रोग से मेरी रक्षा करो।