नारायणीयम् · दशक 70

Narayaneeyam: Dashakam 70

स्तोत्र · संस्कृत · कृष्ण · मेल्पत्तूर् नारायण भट्टतिरि

इति त्वयि रसाकुलं रमितवल्लभे वल्लवाः कदाऽपि पुरमम्बिकाकमितुरम्बिकाकानने।
समेत्य भवता समं निशि निषेव्य दिव्योत्सवं सुखं सुषुपुरग्रसीद्व्रजपमुग्रनागस्तदा॥
Iti tvayi rasakulam ramitavallabhe vallavah kadapi puramambikakamiturambikakanane, sametya bhavata samam nishi nishevya divyotsavam sukham sushupuragrasidvrajapamugranagastada.
जब आप प्रेम में डूबे अपनी प्रियाओं को आनंद दे रहे थे, तब एक बार ग्वाले आपके साथ अंबिकापति शिव के अंबिका वन में गए और रात में दिव्य उत्सव मनाया; जब वे सुख से सो रहे थे, तभी एक भयंकर साँप ने व्रज के मुखिया नंद को पकड़ लिया।
समुन्मुखमथोल्मुकैरभिहतेऽपि तस्मिन्बलादमुञ्चति भवत्पदे न्यपति पाहि पाहीति तैः।
तदा खलु पदा भवान् समुपगम्य पस्पर्श तं बभौ स च निजां तनुं समुपसाद्य वैद्याधरीम्॥
Samunmukhamatholmukairabhihatepi tasminbaladamunchati bhavatpade nyapati pahi pahiti taih, tada khalu pada bhavan samupagamya pasparsha tam babhau sa cha nijam tanum samupasadya vaidyadharim.
जलती मशालों से मारने पर भी जब उसने ज़बरदस्ती नहीं छोड़ा, तो वे बचाओ, बचाओ कहते हुए आपके चरणों में गिर पड़े। तब आपने पास आकर उसे पैर से छुआ, और वह अपना विद्याधर रूप पाकर चमक उठा।
सुदर्शनधर प्रभो ननु सुदर्शनाख्योऽस्म्यहं मुनीन् क्वचिदपाहसं त इह मां व्यधुर्वाहसम्।
भवत्पदसमर्पणादमलतां गतोऽस्मीत्यसौ स्तुवन् निजपदं ययौ व्रजपदं च गोपा मुदा॥
Sudarshanadhara prabho nanu sudarshanakhyosmyaham munin kvachidapahasam ta iha mam vyadhurvahasam, bhavatpadasamarpanadamalatam gatosmityasau stuvan nijapadam yayau vrajapadam cha gopa muda.
हे सुदर्शन चक्रधारी प्रभु, मैं सुदर्शन नाम का हूँ। एक बार मैंने मुनियों की हँसी उड़ाई थी, तो उन्होंने मुझे यहाँ साँप बना दिया। आपके चरणों में समर्पित होकर मैं पवित्र हो गया हूँ। ऐसी स्तुति करके वह अपने लोक गया, और ग्वाले खुशी से व्रज लौट आए।
कदापि खलु सीरिणा विहरति त्वयि स्त्रीजनैर्जहार धनदानुगः स किल शङ्खचूडोऽबलाः।
अतिद्रुतमनुद्रुतस्तमथ मुक्तनारीजनं रुरोजिथ शिरोमणिं हलभृते च तस्याददाः॥
Kadapi khalu sirina viharati tvayi strijanairjahara dhanadanugah sa kila shankhachudobalah, atidrutamanudrutastamatha muktanarijanam rurojitha shiromanim halabhrite cha tasyadadah.
एक बार जब आप बलराम के साथ स्त्रियों के बीच खेल रहे थे, तब कुबेर का अनुचर शंखचूड़ स्त्रियों को उठा ले गया। आपने बहुत तेज़ी से पीछा करके स्त्रियों को छुड़ाया, उसे मार गिराया और उसकी शिरोमणि बलराम को दे दी।
दिनेषु च सुहृज्जनैः सह वनेषु लीलापरं मनोभवमनोहरं रसितवेणुनादामृतम्।
भवन्तममरीदृशाममृतपारणादायिनं विचिन्त्य किमु नालपन् विरहतापिता गोपिकाः॥
Dineshu cha suhrijjanaih saha vaneshu lilaparam manobhavamanoharam rasitavenunadamritam, bhavantamamaridrishamamritaparanadayinam vichintya kimu nalapan virahatapita gopikah.
दिन में विरह से तपती गोपियाँ आपके बारे में कैसे न बोलतीं, जो मित्रों के साथ वनों में लीला करते, कामदेव से भी मनोहर, बाँसुरी से अमृत बरसाते और देवांगनाओं की आँखों को अमृत का भोज देते थे?
भोजराजभृतकस्त्वथ कश्चित्कष्टदुष्टपथदृष्टिररिष्टः।
निष्ठुराकृतिरपष्ठुनिनादस्तिष्ठते स्म भवते वृषरूपी॥
Bhojarajabhritakastvatha kashchitkashtadushtapathadrishtirarishtah, nishthurakritirapashthuninadastishthate sma bhavate vrisharupi.
फिर भोजराज कंस का सेवक अरिष्ट, जिसकी दृष्टि क्रूर और दुष्ट मार्ग पर थी, कठोर रूप और भयानक गर्जना वाला, बैल का रूप लेकर आपके सामने खड़ा हो गया।
शाक्वरोऽथ जगतीधृतिहारी मूर्तिमेष बृहतीं प्रदधानः।
पङ्क्तिमाशु परिघूर्ण्य पशूनां छन्दसां निधिमवाप भवन्तम्॥
Shakvarotha jagatidhritihari murtimesha brihatim pradadhanah, panktimashu parighurnya pashunam chhandasam nidhimavapa bhavantam.
वैदिक छंदों के नामों पर खेलते हुए: संसार का धैर्य हरने वाले इस बलवान बैल ने विशाल रूप धारण किया, पशुओं की पंक्ति को जल्दी तितर-बितर किया और छंदों के भंडार आपके पास आ पहुँचा।
तुङ्गशृङ्गमुखमाश्वभियन्तं सङ्गृहय्य रभसादभियं तम्।
भद्ररूपमपि दैत्यमभद्रं मर्दयन्नमदयः सुरलोकम्॥
Tungashringamukhamashvabhiyantam sangrihayya rabhasadabhiyam tam, bhadrarupamapi daityamabhadram mardayannamadayah suralokam.
जब वह ऊँचे सींग आगे करके तेज़ी से झपटा, तो आपने निडर होकर उसे बलपूर्वक पकड़ लिया, और शुभ बैल के रूप में भी अशुभ उस दैत्य को कुचलकर देवलोक को आनंदित किया।
चित्रमद्य भगवन् वृषघातात्सुस्थिराऽजनि वृषस्थितिरुर्व्याम्।
वर्धते च वृषचेतसि भूयान्मोद इत्यभिनुतोऽसि सुरैस्त्वम्॥
Chitramadya bhagavan vrishaghatatsusthirajani vrishasthitirurvyam, vardhate cha vrishachetasi bhuyanmoda ityabhinutosi suraistvam.
देवताओं ने वृष शब्द से खेलते हुए, जिसका अर्थ बैल, धर्म और इंद्र है, आपकी स्तुति की: हे भगवन, अद्भुत है! बैल के वध से आज धरती पर धर्म स्थिर हो गया, और इंद्र के मन में बड़ा आनंद बढ़ रहा है।
औक्षकाणि परिधावत दूरं वीक्ष्यतामयमिहोक्षविभेदी।
इत्थमात्तहसितैः सह गोपैर्गेहगस्त्वमव वातपुरेश॥
Aukshakani paridhavata duram vikshyatamayamihokshavibhedi, itthamattahasitaih saha gopairgehagastvamava vatapuresha.
हे बैलो, दूर भाग जाओ! देखो, यहाँ बैल को मारने वाला है! ऐसे हँसी-मज़ाक करते ग्वालों के साथ आप घर लौटे। हे गुरुवायुर के स्वामी, मेरी रक्षा कीजिए।