नारायणीयम् · दशक 79

Narayaneeyam: Dashakam 79

स्तोत्र · संस्कृत · कृष्ण · मेल्पत्तूर् नारायण भट्टतिरि

बलसमेतबलानुगतो भवान् पुरमगाहत भीष्मकमानितः।
द्विजसुतं त्वदुपागमवादिनं धृतरसा तरसा प्रणनाम सा॥
Balasametabalanugato bhavan puramagahata bhishmakamanitah, dvijasutam tvadupagamavadinam dhritarasa tarasa prananama sa.
बलराम और सेना के साथ आप नगर में पहुँचे और राजा भीष्मक ने आपका सम्मान किया। रुक्मिणी ने आनंद से भरकर आपके आने का समाचार देने वाले ब्राह्मण को तुरंत प्रणाम किया।
भुवनकान्तमवेक्ष्य भवद्वपुर्नृपसुतस्य निशम्य च चेष्टितम्।
विपुलखेदजुषां पुरवासिनां सरुदितैरुदितैरगमन्निशा॥
Bhuvanakantamavekshya bhavadvapurnripasutasya nishamya cha cheshtitam, vipulakhedajusham puravasinam saruditairuditairagamannisha.
संसार को मोहने वाला आपका रूप देखकर और राजकुमार रुक्मी की करतूत सुनकर नगरवासी बहुत दुखी हुए, और उनकी रोती हुई बातों में रात बीत गई।
तदनु वन्दितुमिन्दुमुखी शिवां विहितमङ्गलभूषणभासुरा।
निरगमद्भवदर्पितजीविता स्वपुरतः पुरतः सुभटावृता॥
Tadanu vanditumindumukhi shivam vihitamangalabhushanabhasura, niragamadbhavadarpitajivita svapuratah puratah subhatavrita.
फिर मंगल आभूषणों से दमकती, अपना जीवन आपको सौंप चुकी चंद्रमुखी राजकुमारी पार्वती की पूजा करने अपने महल से निकली, आगे-आगे वीर योद्धा चल रहे थे।
कुलवधूभिरुपेत्य कुमारिका गिरिसुतां परिपूज्य च सादरम्।
मुहुरयाचत तत्पदपङ्कजे निपतिता पतितां तव केवलम्॥
Kulavadhubhirupetya kumarika girisutam paripujya cha sadaram, muhurayachata tatpadapankaje nipatita patitam tava kevalam.
कुलीन स्त्रियों के साथ आकर कन्या ने गिरिजा की आदर से पूजा की, और उनके चरण-कमलों पर गिरकर बार-बार केवल आपको ही पति रूप में माँगा।
समवलोककुतूहलसङ्कुले नृपकुले निभृतं त्वयि च स्थिते।
नृपसुता निरगाद्गिरिजालयात्सुरुचिरं रुचिरञ्जितदिङ्मुखा॥
Samavalokakutuhalasankule nripakule nibhritam tvayi cha sthite, nripasuta niragadgirijalayatsuruchiram ruchiranjitadinmukha.
जब राजा उसे देखने को उत्सुक होकर जुटे थे और आप चुपचाप खड़े थे, तब राजकुमारी गिरिजा मंदिर से निकली, अत्यंत सुंदर, उसकी आभा से दिशाएँ रँग गईं।
भुवनमोहनरूपरुचा तदा विवशिताखिलराजकदम्बया।
त्वमपि देव कटाक्षविमोक्षणैः प्रमदया मदयाञ्चकृषे मनाक्॥
Bhuvanamohanaruparucha tada vivashitakhilarajakadambaya, tvamapi deva katakshavimokshanaih pramadaya madayanchakrishe manak.
संसार को मोहने वाले रूप की आभा से उसने सारे राजाओं को बेबस कर दिया; और हे प्रभु, उस सुंदरी की तिरछी चितवन से आप भी थोड़े मुग्ध हो गए।
क्व नु गमिष्यसि चन्द्रमुखीति तां सरसमेत्य करेण हरन् क्षणात्।
समधिरोप्य रथं त्वमपाहृथा भुवि ततो विततो निनदो द्विषाम्॥
Kva nu gamishyasi chandramukhiti tam sarasametya karena haran kshanat, samadhiropya ratham tvamapahritha bhuvi tato vitato ninado dvisham.
“चंद्रमुखी, कहाँ जा रही हो?” कहकर आप प्रेम से उसके पास आए, क्षण भर में उसका हाथ थामकर उसे रथ पर बिठाया और ले चले। तब शत्रुओं में भारी कोलाहल मच गया।
क्व नु गतः पशुपाल इति क्रुधा कृतरणा यदुभिश्च जिता नृपाः।
न तु भवानुदचाल्यत तैरहो पिशुनकैः शुनकैरिव केसरी॥
Kva nu gatah pashupala iti krudha kritarana yadubhishcha jita nripah, na tu bhavanudachalyata tairaho pishunakaih shunakairiva kesari.
“वह ग्वाला कहाँ गया?” कहकर राजाओं ने क्रोध से युद्ध किया, पर यादवों ने उन्हें हरा दिया। जैसे कुत्ते शेर को नहीं डिगा सकते, वैसे ही वे दुष्ट आपको नहीं डिगा सके।
तदनु रुक्मिणमागतमाहवे वधमुपेक्ष्य निबध्य विरूपयन्।
हृतमदं परिमुच्य बलोक्तिभिः पुरमया रमया सह कान्तया॥
Tadanu rukminamagatamahave vadhamupekshya nibadhya virupayan, hritamadam parimuchya baloktibhih puramaya ramaya saha kantaya.
फिर रुक्मी युद्ध में आया। आपने उसे मारा नहीं, बाँधकर कुरूप कर दिया, और बलराम के कहने पर घमंड टूटे उस को छोड़ दिया। फिर आप लक्ष्मी स्वरूपा प्रिया के साथ अपने नगर लौटे।
नवसमागमलज्जितमानसां प्रणयकौतुकजृम्भितमन्मथाम्।
अरमयः खलु नाथ यथासुखं रहसि तां हसितांशुलसन्मुखीम्॥
Navasamagamalajjitamanasam pranayakautukajrimbhitamanmatham, aramayah khalu natha yathasukham rahasi tam hasitamshulasanmukhim.
हे नाथ, एकांत में आपने उसे जी भरकर आनंदित किया; नए मिलन से उसका मन लजाया था, प्रेम का उल्लास जाग रहा था और मुख मुस्कान से चमक रहा था।
विविधनर्मभिरेवमहर्निशं प्रमदमाकलयन्पुनरेकदा।
ऋजुमतेः किल वक्रगिरा भवान् वरतनोरतनोदतिलोलताम्॥
Vividhanarmabhirevamaharnisham pramadamakalayanpunarekada, rijumateh kila vakragira bhavan varatanoratanodatilolatam.
इस तरह तरह-तरह के हँसी-मज़ाक से दिन-रात उसे आनंद देते हुए, एक बार आपने टेढ़ी बातों से उस सरल मन वाली सुंदरी को बहुत व्याकुल कर दिया।
तदधिकैरथ लालनकौशलैः प्रणयिनीमधिकं रमयन्निमाम्।
अयि मुकुन्द भवच्चरितानि नः प्रगदतां गदतान्तिमपाकुरु॥
Tadadhikairatha lalanakaushalaih pranayinimadhikam ramayannimam, ayi mukunda bhavachcharitani nah pragadatam gadatantimapakuru.
फिर आपने और अधिक प्यार-दुलार से अपनी प्रिया को और भी प्रसन्न किया। हे मुकुंद, आपकी कथाएँ कहने वाले हम लोगों के रोग दूर कीजिए।