नारायणीयम् · दशक 85

Narayaneeyam: Dashakam 85

स्तोत्र · संस्कृत · कृष्ण · मेल्पत्तूर् नारायण भट्टतिरि

ततो मगधभूमृता चिरनिरोधसङ्क्लेशितं शताष्टकयुतायुतद्वितयमीश भूमीभृताम्।
अनाथशरणाय ते कमपि पूरुषं प्राहिणोदयाचत स मागधक्षपणमेव किं भूयसा॥
Tato magadhabhumrita chiranirodhasankleshitam shatashtakayutayutadvitayamisha bhumibhritam, anathasharanaya te kamapi purusham prahinodayachata sa magadhakshapanameva kim bhuyasa.
हे ईश, तब मगध के राजा जरासंध की लंबी कैद से दुखी बीस हजार आठ सौ राजाओं ने अनाथों के रक्षक तुम्हारे पास एक दूत भेजा। उसने बस जरासंध का नाश माँगा, और क्या कहना?
यियासुरभिमागधं तदनु नारदोदीरिताद्युधिष्ठिरमखोद्यमादुभयकार्यपर्याकुलः।
विरुद्धजयिनोऽध्वरादुभयसिद्धिरित्युद्धवे शशंसुषि निजैः समं पुरमियेथ यौधिष्ठिरीम्॥
Yiyasurabhimagadham tadanu naradodiritadyudhishthiramakhodyamadubhayakaryaparyakulah, viruddhajayinodhvaradubhayasiddhirityuddhave shashamsushi nijaih samam puramiyetha yaudhishthirim.
तुम जरासंध पर चढ़ाई करना चाहते थे, तभी नारद ने युधिष्ठिर के यज्ञ की तैयारी बताई, और तुम दोनों कामों के बीच उलझ गए। जब उद्धव ने कहा कि विरोधियों को जीतने वाले उस यज्ञ से दोनों काम सिद्ध होंगे, तब तुम अपने लोगों के साथ युधिष्ठिर की नगरी गए।
अशेषदयितायुते त्वयि समागते धर्मजो विजित्य सहजैर्महीं भवदपाङ्गसंवर्धितैः।
श्रियं निरुपमां वहन्नहह भक्तदासायितं भवन्तमयि मागधे प्रहितवान्सभीमार्जुनम्॥
Asheshadayitayute tvayi samagate dharmajo vijitya sahajairmahim bhavadapangasamvardhitaih, shriyam nirupamam vahannahaha bhaktadasayitam bhavantamayi magadhe prahitavansabhimarjunam.
जब तुम अपनी सब पत्नियों के साथ पहुँचे, तब युधिष्ठिर ने तुम्हारी कृपा-दृष्टि से बलवान हुए भाइयों के साथ पृथ्वी जीती और अनुपम संपत्ति पाई। फिर अहो, उन्होंने भक्तों के दास बने तुम्हें भीम और अर्जुन के साथ मगध भेजा।
गिरिव्रजपुरं गतास्तदनु देव यूयं त्रयो ययाच समरोत्सवं द्विजमिषेण तं मागधम्।
अपूर्णसुकृतं त्वमुं पवनजेन सङ्ग्रामयन् निरीक्ष्य सह जिष्णुना त्वमपि राजयुध्वा स्थितः॥
Girivrajapuram gatastadanu deva yuyam trayo yayacha samarotsavam dvijamishena tam magadham, apurnasukritam tvamum pavanajena sangramayan nirikshya saha jishnuna tvamapi rajayudhva sthitah.
हे देव, फिर तुम तीनों गिरिव्रज नगर गए और ब्राह्मण के वेश में जरासंध से युद्ध का दान माँगा। उसके पुण्य अभी बाकी देखकर तुमने उसे भीम से भिड़ाया, और तुम अर्जुन के साथ उस राज-युद्ध के दर्शक बनकर खड़े रहे।
अशान्तसमरोद्धतं विटपपाटनासंज्ञया निपात्य जरसस्सुतं पवनजेन निष्पाटितम्।
विमुच्य नृपतीन्मुदा समनुगृह्य भक्तिं परां दिदेशिथ गतस्पृहानपि च धर्मगुप्त्यै भुवः॥
Ashantasamaroddhatam vitapapatanasanjnaya nipatya jarasassutam pavanajena nishpatitam, vimuchya nripatinmuda samanugrihya bhaktim param dideshitha gatasprihanapi cha dharmaguptyai bhuvah.
जब जरा का पुत्र थके बिना उग्रता से लड़ता रहा, तब तुमने एक टहनी चीरकर इशारा किया, और भीम ने उसे चीरकर गिरा दिया। फिर तुमने प्रसन्न होकर राजाओं को छुड़ाया, उन्हें परम भक्ति का वरदान दिया, और निःस्पृह होने पर भी धर्म की रक्षा के लिए पृथ्वी पर राज करने को कहा।
प्रचक्रुषि युधिष्ठिरे तदनु राजसूयाध्वरं प्रसन्नभृतकीभवत्सकलराजकव्याकुलम्।
त्वमप्ययि जगत्पते द्विजपदावनेजादिकं चकर्थ किमु कथ्यते नृपवरस्य भाग्योन्नतिः॥
Prachakrushi yudhishthire tadanu rajasuyadhvaram prasannabhritakibhavatsakalarajakavyakulam, tvamapyayi jagatpate dvijapadavanejadikam chakartha kimu kathyate nripavarasya bhagyonnatih.
फिर युधिष्ठिर ने राजसूय यज्ञ किया, जिसमें खुशी से सेवा करने वाले सब राजा भरे थे, और हे जगत्पति, तुमने भी ब्राह्मणों के पैर धोने आदि की सेवा की। उस श्रेष्ठ राजा के भाग्य की ऊँचाई का क्या कहना?
ततस्सवनकर्मणि प्रवरमग्र्यपूजाविधिं विचार्य सहदेववागनुगतस्स धर्मात्मजः।
व्यधत्त भवते मुदा सदसि विश्वभूतात्मने तदा ससुरमानुषं भुवनमेव तृप्तिं दधौ॥
Tatassavanakarmani pravaramagryapujavidhim vicharya sahadevavaganugatassa dharmatmajah, vyadhatta bhavate muda sadasi vishvabhutatmane tada sasuramanusham bhuvanameva triptim dadhau.
फिर यज्ञ-कर्म में सबसे पहले पूजा किसकी हो, यह विचारकर धर्मपुत्र युधिष्ठिर ने सहदेव की बात मानकर सभा में सब प्राणियों की आत्मा, तुम्हारी प्रसन्नता से अग्रपूजा की; तब देवताओं और मनुष्यों सहित सारा संसार तृप्त हो गया।
ततस्सपदि चेदिपो मुनिनृपेषु तिष्ठत्स्वहो सभाजयति को जडः पशुपदुर्दुरूटं वटुम्।
इति त्वयि स दुर्वचोविततिमुद्वमन्नासनादुदापतदुदायुधः समपतन्नमुं पाण्डवाः॥
Tatassapadi chedipo muninripeshu tishthatsvaho sabhajayati ko jadah pashupadurdurutam vatum, iti tvayi sa durvachovitatimudvamannasanadudapatadudayudhah samapatannamum pandavah.
तभी चेदि का राजा शिशुपाल बोला: “अहो, मुनियों और राजाओं के रहते कौन मूर्ख इस बदनाम ग्वाले छोकरे का सम्मान करता है?” तुम पर गालियों की बौछार करता हुआ वह हथियार उठाकर आसन से उछला, और पांडव उस पर टूट पड़े।
निवार्य निजपक्षगानभिमुखस्य विद्वेषिणस्त्वमेव जहृषे शिरो दनुजदारिणा स्वारिणा।
जनुस्त्रितयलब्धया सततचिन्तया शुद्धधीस्त्वया स परमेकतामधृत योगिनां दुर्लभाम्॥
Nivarya nijapakshaganabhimukhasya vidveshinastvameva jahrishe shiro danujadarina svarina, janustritayalabdhaya satatachintaya shuddhadhistvaya sa paramekatamadhrita yoginam durlabham.
अपने पक्ष वालों को रोककर तुमने स्वयं दैत्यों का संहार करने वाले अपने चक्र से सामने खड़े उस शत्रु का सिर काट दिया। तीन जन्मों तक लगातार तुम्हारा चिंतन करने से शुद्ध बुद्धि वाला वह तुमसे परम एकता पा गया, जो योगियों को भी दुर्लभ है।
ततः सुमहिते त्वया क्रतुवरे निरूढे जनो ययौ जयति धर्मजो जयति कृष्ण इत्यालपन्।
खलः स तु सुयोधनो धुतमनास्सपत्नश्रिया मयार्पितसभामुखे स्थलजलभ्रमादभ्रमीत्॥
Tatah sumahite tvaya kratuvare nirudhe jano yayau jayati dharmajo jayati krishna ityalapan, khalah sa tu suyodhano dhutamanassapatnashriya mayarpitasabhamukhe sthalajalabhramadabhramit.
तुम्हारे द्वारा सम्मानित वह श्रेष्ठ यज्ञ पूरा होने पर लोग “धर्मराज की जय, कृष्ण की जय” कहते हुए लौटे। पर दुष्ट दुर्योधन शत्रु की संपत्ति देखकर विचलित मन से मय दानव की बनाई सभा में ज़मीन को पानी और पानी को ज़मीन समझकर भटकता रहा।
तदा हसितमुत्थितं द्रुपदनन्दनाभीमयोरपाङ्गकलया विभो किमपि तावदुज्जृम्भयन्।
धराभरनिराकृतौ सपदि नाम बीजं वपन् जनार्दन मरुत्पुरीनिलय पाहि मामामयात्॥
Tada hasitamutthitam drupadanandanabhimayorapangakalaya vibho kimapi tavadujjrimbhayan, dharabharanirakritau sapadi nama bijam vapan janardana marutpurinilaya pahi mamamayat.
तब द्रौपदी और भीम की हँसी फूट पड़ी, जिसे तुमने तिरछी नज़र से और बढ़ा दिया, और इस तरह तुरंत पृथ्वी का भार उतारने का बीज बो दिया। हे जनार्दन, हे गुरुवायूर-निवासी, रोग से मेरी रक्षा करो।