नारायणीयम् · दशक 84

Narayaneeyam: Dashakam 84

स्तोत्र · संस्कृत · कृष्ण · मेल्पत्तूर् नारायण भट्टतिरि

क्वचिदथ तपनोपरागकाले पुरि निदधत्कृतवर्मकामसूनू।
यदुकुलमहिलावृतः सुतीर्थं समुपगतोऽसि समन्तपञ्चकाख्यम्॥
Kvachidatha tapanoparagakale puri nidadhatkritavarmakamasunu, yadukulamahilavritah sutirtham samupagatosi samantapanchakakhyam.
फिर एक बार सूर्य ग्रहण के समय कृतवर्मा और अनिरुद्ध को नगर में छोड़कर आप यदुकुल की स्त्रियों के साथ समंतपंचक नाम के पवित्र तीर्थ पहुँचे।
बहुतरजनताहिताय तत्र त्वमपि पुनर्विनिमज्ज्य तीर्थतोयम्।
द्विजगणपरिमुक्तवित्तराशिः सममिलथाः कुरुपाण्डवादिमित्रैः॥
Bahutarajanatahitaya tatra tvamapi punarvinimajjya tirthatoyam, dvijaganaparimuktavittarashih samamilathah kurupandavadimitraih.
वहाँ लोगों के हित के लिए आपने भी तीर्थ जल में स्नान किया, ब्राह्मणों को ढेर सारा धन दिया और कौरव, पांडव आदि मित्रों से मिले।
तव खलु दयिताजनैः समेता द्रुपदसुता त्वयि गाढभक्तिभारा।
तदुदितभवदाहृतिप्रकारैरतिमुमुदे सममन्यभामिनीभिः॥
Tava khalu dayitajanaih sameta drupadasuta tvayi gadhabhaktibhara, taduditabhavadahritiprakarairatimumude samamanyabhaminibhih.
आपकी गहरी भक्त द्रौपदी आपकी रानियों से मिलीं, और उनसे सुनकर कि आपने किस तरह उनसे विवाह किया, दूसरी स्त्रियों के साथ बहुत प्रसन्न हुईं।
तदनु च भगवन् निरीक्ष्य गोपानतिकुतुकादुपगम्य मानयित्वा।
चिरतरविरहातुराङ्गरेखाः पशुपवधूः सरसं त्वमन्वयासीः॥
Tadanu cha bhagavan nirikshya gopanatikutukadupagamya manayitva, chirataravirahaturangarekhah pashupavadhuh sarasam tvamanvayasih.
फिर हे भगवन, ग्वालों को देखकर आप बड़े उत्साह से उनके पास गए, उनका सम्मान किया, और लंबे विरह से दुबली हुई गोपियों के पास प्रेम से पहुँचे।
सपदि च भवदीक्षणोत्सवेन प्रमुषितमानहृदां नितम्बिनीनाम्।
अतिरसपरिमुक्तकञ्चुलीके परिचयहृद्यतरे कुचे न्यलैषीः॥
Sapadi cha bhavadikshanotsavena pramushitamanahridam nitambininam, atirasaparimuktakanchulike parichayahridyatare kuche nyalaishih.
आपके दर्शन के आनंद से जब उनके हृदय का रूठापन तुरंत मिट गया, तब आपने उन्हें उमड़ते प्रेम से अपने हृदय से लगा लिया।
रिपुजनकलहैः पुनः पुनर्मे समुपगतैरियती विलम्बनाभूत्।
इति कृतपरिरम्भणे त्वयि द्रागतिविवशा खलु राधिका निलिल्ये॥
Ripujanakalahaih punah punarme samupagatairiyati vilambanabhut, iti kritaparirambhane tvayi dragativivasha khalu radhika nililye.
‘शत्रुओं से बार-बार होने वाले युद्धों के कारण इतनी देर हो गई,’ यह कहते हुए जब आपने आलिंगन किया, तो अति विह्वल राधा आप में समा गईं।
अपगतविरहव्यथास्तदा ता रहसि विधाय ददाथ तत्त्वबोधम्।
परमसुखचिदात्मकोऽहमात्मेत्युदयतु वः स्फुटमेव चेतसीति॥
Apagatavirahavyathastada ta rahasi vidhaya dadatha tattvabodham, paramasukhachidatmakohamatmetyudayatu vah sphutameva chetasiti.
जब उनका विरह का दुख मिट गया, तब आपने एकांत में उन्हें तत्त्व ज्ञान दिया: ‘तुम्हारे मन में यह स्पष्ट हो कि मैं परम सुख और चेतना स्वरूप आत्मा हूँ।’
सुखरसपरिमिश्रितो वियोगः किमपि पुराभवदुद्धवोपदेशैः।
समभवदमुतः परं तु तासां परमसुखैक्यमयी भवद्विचिन्ता॥
Sukharasaparimishrito viyogah kimapi purabhavaduddhavopadeshaih, samabhavadamutah param tu tasam paramasukhaikyamayi bhavadvichinta.
पहले उद्धव के उपदेश से उनके विरह में कुछ सुख का रस मिला था; पर अब से उनका आपका चिंतन परम सुख की एकता से भर गया।
मुनिवरनिवहैस्तवाथ पित्रा दुरितशमाय शुभानि पृच्छ्यमानैः।
त्वयि सति किमिदं शुभान्तरैरित्युरुहसितैरपि याजितस्तदासौ॥
Munivaranivahaistavatha pitra duritashamaya shubhani prichchhyamanaih, tvayi sati kimidam shubhantarairityuruhasitairapi yajitastadasau.
आपके पिता ने पाप शांति के लिए श्रेष्ठ मुनियों से शुभ कर्म पूछे; वे खूब हँसे, ‘जब ये आपके पास हैं, तो और शुभ कर्मों की क्या आवश्यकता?’ फिर भी उन्होंने उनसे यज्ञ करवाया।
सुमहति यजने वितायमाने प्रमुदितमित्रजने सहैव गोपाः।
यदुजनमहितास्त्रिमासमात्रं भवदनुषङ्गरसं पुरेव भेजुः॥
Sumahati yajane vitayamane pramuditamitrajane sahaiva gopah, yadujanamahitastrimasamatram bhavadanushangarasam pureva bhejuh.
जब वह महायज्ञ चल रहा था और मित्र आनंदित थे, तब यादवों से सम्मानित ग्वालों ने भी तीन महीने तक पहले की तरह आपके साथ का आनंद लिया।
व्यपगमसमये समेत्य राधां दृढमुपगूह्य निरीक्ष्य वीतखेदाम्।
प्रमुदितहृदयः पुरं प्रयातः पवनपुरेश्वर पाहि मां गदेभ्यः॥
Vyapagamasamaye sametya radham dridhamupaguhya nirikshya vitakhedam, pramuditahridayah puram prayatah pavanapureshvara pahi mam gadebhyah.
विदा के समय आप राधा से मिले, उन्हें कसकर गले लगाया, उन्हें दुख से मुक्त देखा और प्रसन्न हृदय से अपनी नगरी लौट गए। हे गुरुवायुर के स्वामी, मुझे रोगों से बचाओ।