नारायणीयम् · दशक 83

Narayaneeyam: Dashakam 83

स्तोत्र · संस्कृत · कृष्ण · मेल्पत्तूर् नारायण भट्टतिरि

रामेऽथगोकुलगते प्रमदाप्रसक्ते हूतानुपेतयमुनादमने मदान्धे।
स्वैरं समारमति सेवकवादमूढो दूतं न्ययुङ्क्त तव पौण्ड्रकवासुदेवः॥
Ramethagokulagate pramadaprasakte hutanupetayamunadamane madandhe, svairam samaramati sevakavadamudho dutam nyayunkta tava paundrakavasudevah.
जब बलराम गोकुल गए थे, स्त्रियों में रमे थे और मद में बुलाने पर न आने वाली यमुना को खींच लाए थे, और आप आराम से रह रहे थे, तब चाटुकारों की बातों से भ्रमित पौण्ड्रक वासुदेव ने आपके पास दूत भेजा।
नारायणोऽहमवतीर्ण इहास्मि भूमौ धत्से किल त्वमपि मामकलक्षणानि।
उत्सृज्य तानि शरणं व्रज मामिति त्वां दूतो जगाद सकलैर्हसितः सभायाम्॥
Narayanohamavatirna ihasmi bhumau dhatse kila tvamapi mamakalakshanani, utsrijya tani sharanam vraja mamiti tvam duto jagada sakalairhasitah sabhayam.
“मैं नारायण हूँ और धरती पर अवतरित हुआ हूँ। सुना है तुम भी मेरे चिह्न धारण करते हो। उन्हें छोड़कर मेरी शरण में आओ,” दूत ने सभा में आपसे कहा, और सब हँस पड़े।
दूतेऽथ यातवति यादवसैनिकस्त्वं यातो ददर्शिथ वपुः किल पौण्ड्रकीयम्।
तापेन वक्षसि कृताङ्कमनल्पमूल्यश्रीकौस्तुभं मकरकुण्डलपीतचेलम्॥
Dutetha yatavati yadavasainikastvam yato dadarshitha vapuh kila paundrakiyam, tapena vakshasi kritankamanalpamulyashrikaustubham makarakundalapitachelam.
दूत के जाने पर आप यादव सेना के साथ गए और पौण्ड्रक का रूप देखा: छाती पर तपाकर बनाया चिह्न, बहुमूल्य नकली कौस्तुभ मणि, मकर कुंडल और पीले वस्त्र।
कालायसं निजसुदर्शनमस्यतोऽस्य कालानलोत्करकिरेण सुदर्शनेन।
शीर्षं चकर्तिथ ममर्दिथ चास्य सेनां तन्मित्रकाशिपशिरोऽपि चकर्थ काश्याम्॥
Kalayasam nijasudarshanamasyatosya kalanalotkarakirena sudarshanena, shirsham chakartitha mamarditha chasya senam tanmitrakashipashiropi chakartha kashyam.
जब उसने लोहे का अपना ‘सुदर्शन’ फेंका, तो आपने प्रलय की आग बरसाते अपने सुदर्शन से उसका सिर काट दिया, उसकी सेना कुचल दी, और काशी में उसके मित्र काशीराज का सिर भी काट दिया।
जाड्येन बालकगिराऽपि किलाहमेव श्रीवासुदेव इति रूढमतिश्चिरं सः।
सायुज्यमेव भवदैक्यधिया गतोऽभूत् को नाम कस्य सुकृतं कथमित्यवेयात्॥
Jadyena balakagirapi kilahameva shrivasudeva iti rudhamatishchiram sah, sayujyameva bhavadaikyadhiya gatobhut ko nama kasya sukritam kathamityaveyat.
मूर्खता से, बच्चों जैसी बातों से भी, वह बहुत समय तक ‘मैं ही वासुदेव हूँ’ इस भाव में दृढ़ रहा; आपसे एकता के उसी भाव से उसने आपका सायुज्य पाया। कौन जाने किसका पुण्य कैसे फल देता है?
काशीश्वरस्य तनयोऽथ सुदक्षिणाख्यः शर्वं प्रपूज्य भवते विहिताभिचारः।
कृत्यानलं कमपि बाणरणातिभीतैर्भूतैः कथञ्चन वृतैः सममभ्यमुञ्चत्॥
Kashishvarasya tanayotha sudakshinakhyah sharvam prapujya bhavate vihitabhicharah, krityanalam kamapi banaranatibhitairbhutaih kathanchana vritaih samamabhyamunchat.
फिर काशीराज के पुत्र सुदक्षिण ने शिव की पूजा करके आपके विरुद्ध अभिचार किया, और बाणासुर के युद्ध से डरे भूतगणों को किसी तरह साथ लेकर एक अग्नि रूपी कृत्या आप पर छोड़ी।
तालप्रमाणचरणामखिलं दहन्तीं कृत्यां विलोक्य चकितैः कथितोऽपि पौरैः।
द्यूतोत्सवे किमपि नो चलितो विभो त्वं पार्श्वस्थमाशु विससर्जिथ कालचक्रम्॥
Talapramanacharanamakhilam dahantim krityam vilokya chakitaih kathitopi pauraih, dyutotsave kimapi no chalito vibho tvam parshvasthamashu visasarjitha kalachakram.
ताड़ जितने बड़े पैरों वाली, सब कुछ जलाती कृत्या को देखकर डरे नगरवासियों ने आपको बताया, फिर भी हे प्रभु, आप जुए के खेल से ज़रा भी नहीं हिले और पास रखा काल चक्र तुरंत छोड़ दिया।
अभ्यापतत्यमितधाम्नि भवन्महास्त्रे हा हेति विद्रुतवती खलु घोरकृत्या।
रोषात्सुदक्षिणमदक्षिणचेष्टितं तं पुप्लोष चक्रमपि काशिपुरामधाक्षीत्॥
Abhyapatatyamitadhamni bhavanmahastre ha heti vidrutavati khalu ghorakritya, roshatsudakshinamadakshinacheshtitam tam puplosha chakramapi kashipuramadhakshit.
जब अपार तेज वाला आपका महास्त्र उस पर झपटा, तो वह भयानक कृत्या ‘हाय-हाय’ करती भाग गई। क्रोध में उसने कुटिल काम करने वाले सुदक्षिण को जला दिया, और चक्र ने काशी नगरी जला दी।
स खलु विविदो रक्षोघाते कृतोपकृतिः पुरा तव तु कलया मृत्युं प्राप्तुं तदा खलतां गतः।
नरकसचिवो देशक्लेशं सृजन् नगरान्तिके झटिति हलिना युध्यन्नद्धा पपात तलाहतः॥
Sa khalu vivido rakshoghate kritopakritih pura tava tu kalaya mrityum praptum tada khalatam gatah, narakasachivo deshaklesham srijan nagarantike jhatiti halina yudhyannaddha papata talahatah.
द्विविद ने बहुत पहले राक्षसों के संहार में आपकी मदद की थी, पर आपके अंश बलराम के हाथों मरने के लिए वह दुष्ट बन गया। नरकासुर का मंत्री बनकर वह नगर के पास देश को सताने लगा, और बलराम से लड़ते हुए उनके थप्पड़ से तुरंत गिर पड़ा।
साम्बं कौरव्यपुत्रीहरणनियमितं सान्त्वनार्थी कुरूणां यातस्तद्वाक्यरोषोद्धृतकरिनगरो मोचयामास रामः।
ते घात्याः पाण्डवेयैरिति यदुपृतनां नामुचस्त्वं तदानीं तं त्वां दुर्बोधलीलं पवनपुरपते तापशान्त्यै निषेवे॥
Sambam kauravyaputriharananiyamitam santvanarthi kurunam yatastadvakyaroshoddhritakarinagaro mochayamasa ramah, te ghatyah pandaveyairiti yadupritanam namuchastvam tadanim tam tvam durbodhalilam pavanapurapate tapashantyai nisheve.
दुर्योधन की बेटी को हरने पर साम्ब को बंदी बनाया गया, तो बलराम सुलह के लिए कुरुओं के पास गए; उनकी बातों से क्रोधित होकर उन्होंने हस्तिनापुर को उठा लिया और साम्ब को छुड़ाया। कौरवों को पांडवों के हाथों मरना था, इसलिए आपने तब यादव सेना नहीं भेजी। ऐसी दुर्बोध लीला वाले हे गुरुवायुर के स्वामी, ताप की शांति के लिए मैं आपकी सेवा करता हूँ।