नारायणीयम् · दशक 82

Narayaneeyam: Dashakam 82

स्तोत्र · संस्कृत · कृष्ण · मेल्पत्तूर् नारायण भट्टतिरि

प्रद्युम्नो रौक्मिणेयः स खलु तव कला शम्बरेणाहृतस्तं हत्वा रत्या सहाप्तो निजपुरमहरद्रुक्मिकन्यां च धन्याम्।
तत्पुत्रोऽथानिरुद्धो गुणनिधिरवहद्रोचनां रुक्मिपौत्रीं तत्रोद्वाहे गतस्त्वं न्यवधि मुसलिना रुक्म्यपि द्यूतवैरात्॥
Pradyumno raukmineyah sa khalu tava kala shambarenahritastam hatva ratya sahapto nijapuramaharadrukmikanyam cha dhanyam, tatputrothaniruddho gunanidhiravahadrochanam rukmipautrim tatrodvahe gatastvam nyavadhi musalina rukmyapi dyutavairat.
रुक्मिणी के पुत्र प्रद्युम्न, जो आपके ही अंश थे, को शंबर उठा ले गया; उन्होंने उसे मारा, रति के साथ घर लौटे और रुक्मी की धन्य कन्या से विवाह किया। उनके पुत्र गुणवान अनिरुद्ध ने रुक्मी की पोती रोचना से विवाह किया; उस विवाह में आप गए और बलराम ने जुए के झगड़े में रुक्मी को मार डाला।
बाणस्य सा बलिसुतस्य सहस्रबाहोर्माहेश्वरस्य महिता दुहिता किलोषा।
त्वत्पौत्रमेनमनिरुद्धमदृष्टपूर्वं स्वप्नेऽनुभूय भगवन् विरहातुराऽभूत्॥
Banasya sa balisutasya sahasrabahormaheshvarasya mahita duhita kilosha, tvatpautramenamaniruddhamadrishtapurvam svapnenubhuya bhagavan virahaturabhut.
हे भगवन, बलि के पुत्र, हज़ार भुजाओं वाले शिवभक्त बाणासुर की प्रसिद्ध पुत्री उषा ने आपके पोते अनिरुद्ध को, जिन्हें उसने कभी देखा नहीं था, सपने में देखा और विरह से व्याकुल हो गई।
योगिन्यतीव कुशला खलु चित्रलेखा तस्याः सखी विलिखती तरुणानशेषान्।
तत्रानिरुद्धमुषया विदितं निशायामानेष्ट योगबलतो भवतो निकेतात्॥
Yoginyativa kushala khalu chitralekha tasyah sakhi vilikhati tarunanasheshan, tatraniruddhamushaya viditam nishayamaneshta yogabalato bhavato niketat.
उसकी सखी चित्रलेखा, जो बहुत कुशल योगिनी थी, ने सभी युवकों के चित्र बनाए; उनमें उषा ने अनिरुद्ध को पहचाना, और चित्रलेखा रात में योग बल से उन्हें आपके महल से ले आई।
कन्यापुरे दयितया सुखमारमन्तं चैनं कथञ्चन बबन्धुषि शर्वबन्धौ।
श्रीनारदोक्ततदुदन्तदुरन्तरोषैस्त्वं तस्य शोणितपुरं यदुभिर्न्यरुन्धाः॥
Kanyapure dayitaya sukhamaramantam chainam kathanchana babandhushi sharvabandhau, shrinaradoktatadudantadurantaroshaistvam tasya shonitapuram yadubhirnyarundhah.
जब शिव के मित्र बाण ने कन्याओं के महल में प्रिया के साथ सुख से रह रहे अनिरुद्ध को किसी तरह बाँध लिया, तब नारद से यह समाचार सुनकर भारी क्रोध में आपने यादवों के साथ बाण के शोणितपुर को घेर लिया।
पुरीपालः शैलप्रियदुहितृनाथोऽस्य भगवान् समं भूतव्रातैर्यदुबलमशङ्कं निरुरुधे।
महाप्राणो बाणो झटिति युयुधानेन युयुधे गुहः प्रद्युम्नेन त्वमपि पुरहन्त्रा जघटिषे॥
Puripalah shailapriyaduhitrinathosya bhagavan samam bhutavratairyadubalamashankam nirurudhe, mahaprano bano jhatiti yuyudhanena yuyudhe guhah pradyumnena tvamapi purahantra jaghatishe.
नगर के रक्षक, पार्वती के पति भगवान शिव ने अपने भूतगणों के साथ निडर होकर यादव सेना को रोका। महाबली बाण सात्यकि से लड़ा, स्कंद प्रद्युम्न से, और आप त्रिपुरारी शिव से भिड़े।
निरुद्धाशेषास्त्रे मुमुहुषि तवास्त्रेण गिरिशे द्रुता भूता भीताः प्रमथकुलवीराः प्रमथिताः।
परास्कन्दत्स्कन्दः कुसुमशरबाणैश्च सचिवः स कुम्भाण्डो भाण्डं नवमिव बलेनाशु बिभिदे॥
Niruddhasheshastre mumuhushi tavastrena girishe druta bhuta bhitah pramathakulavirah pramathitah, paraskandatskandah kusumasharabanaishcha sachivah sa kumbhando bhandam navamiva balenashu bibhide.
जब उनके सारे अस्त्र रोक दिए गए और आपके अस्त्र से शिव मोहित हो गए, तो डरे हुए भूत भाग गए और प्रमथगणों के वीर कुचले गए। स्कंद प्रद्युम्न के पुष्प बाणों से पीछे हटे, और मंत्री कुंभांड को बलराम ने नए घड़े की तरह तोड़ दिया।
चापानां पञ्चशत्या प्रसभमुपगते छिन्नचापेऽथ बाणे व्यर्थे याते समेतो ज्वरपतिरशनैरज्वरि त्वज्ज्वरेण।
ज्ञानी स्तुत्वाथ दत्त्वा तव चरितजुषां विज्वरं सज्वरोऽगात् प्रायोऽन्तर्ज्ञानवन्तोऽपि च बहुतमसा रौद्रचेष्टा हि रौद्राः॥
Chapanam panchashatya prasabhamupagate chhinnachapetha bane vyarthe yate sameto jvarapatirashanairajvari tvajjvarena, jnani stutvatha dattva tava charitajusham vijvaram sajvarogat prayontarjnanavantopi cha bahutamasa raudracheshta hi raudrah.
जब बाण पाँच सौ धनुष लेकर आया और सब कट गए, तब शिव का ज्वर आक्रमण करने आया और स्वयं आपके ज्वर से तप गया। ज्ञानी होने के कारण उसने आपकी स्तुति की, आपकी कथा प्रेमियों को ज्वर से मुक्ति का वर दिया और तपता हुआ चला गया। भीतर से ज्ञानी होकर भी उग्र प्राणी प्रायः तमोगुण से उग्र कर्म करते हैं।
बाणं नानायुधोग्रं पुनरभिपतितं दर्पदोषाद्वितन्वन् निर्लूनाशेषदोषं सपदि बुबुधुषा शङ्करेणोपगीतः।
तद्वाचा शिष्टबाहुद्वितयमुभयतो निर्भयं तत्प्रियं तं मुक्त्वा तद्दत्तमानो निजपुरमगमः सानिरुद्धः सहोषः॥
Banam nanayudhogram punarabhipatitam darpadoshadvitanvan nirlunasheshadosham sapadi bubudhusha shankarenopagitah, tadvacha shishtabahudvitayamubhayato nirbhayam tatpriyam tam muktva taddattamano nijapuramagamah saniruddhah sahoshah.
जब बाण अनेक अस्त्रों से फिर टूट पड़ा, तो आपने उसके घमंड के दोष के कारण उसकी सारी भुजाएँ काट दीं, और समझकर शंकर ने आपकी स्तुति की। उनके कहने पर आपने बाण की दो भुजाएँ छोड़ दीं, उसे अभय देकर छोड़ दिया, और उससे सम्मान पाकर अनिरुद्ध और उषा के साथ अपनी नगरी लौटे।
मुहुस्तावच्छक्रं वरुणमजयो नन्दहरणे यमं बालानीतौ दवदहनपानेऽनिलसखम्।
विधिं वत्सस्तेये गिरिशमिह बाणस्य समरे विभो विश्वोत्कर्षी तदयमवतारो जयति ते॥
Muhustavachchhakram varunamajayo nandaharane yamam balanitau davadahanapanenilasakham, vidhim vatsasteye girishamiha banasya samare vibho vishvotkarshi tadayamavataro jayati te.
आपने बार-बार देवताओं को जीता: इंद्र को; नंद के हरण पर वरुण को; बालक को लौटाते समय यम को; दावाग्नि पीते समय अग्नि को; बछड़ों की चोरी पर ब्रह्मा को; और यहाँ बाण के युद्ध में शिव को। हे प्रभु, संसार में सर्वश्रेष्ठ आपके इस अवतार की जय हो।
द्विजरुषा कृकलासवपुर्धरं नृगनृपं त्रिदिवालयमापयन्।
निजजने द्विजभक्तिमनुत्तमामुपदिशन् पवनेश्वर पाहि माम्॥
Dvijarusha krikalasavapurdharam nriganripam tridivalayamapayan, nijajane dvijabhaktimanuttamamupadishan pavaneshvara pahi mam.
आपने ब्राह्मण के क्रोध से गिरगिट बने राजा नृग को स्वर्ग पहुँचाया और अपने लोगों को ब्राह्मणों के प्रति श्रेष्ठ भक्ति का उपदेश दिया। हे गुरुवायुर के स्वामी, मेरी रक्षा करो।